- Tíðindi, mentan og ítróttur
Hjálparfólkafelagið er fyri mismuni
Felagið sigur, at tað verður gjørt við framhaldandi at loyva stovnsleiðarum at lata vera við at geva nýsettum starvsfólki møguleika at velja millum Pedagogfelagið og Hjálparfólkafelagið.
Hjálparfólkafelagið er ikki við í arbeiðsbólkinum, sum Uttanríkis- og Mentamálaráðið hevur sett at koma við tilmælum um betranir á trivnaðarøkinum.
Og felagið sigur, at heldur ikki har talar Pedagogfelagið søk Hjálparfólkafelagsins.
Hjálparfólkafelagið vísir áhaldandi á, at brúk er fyri reglum, sum áseta, hvussu nógv hjálparfólk skulu setast á hvørjum arbeiðsplássi og ikki bara, hvussu nógvir pedagogar skulu setast.
Vantandi reglur gera, at arbeiðspláss eru, har bara pedagogar arbeiða og onnur arbeiðspláss, har bara hjálparfólk arbeiða.
Nevndin í Hjálparfólkafelagnum hevur skipað seg eftir aðalfundin í ár.
Formaður er Sámal Hansen, næstformaður er Linda Højgaard, Eystan Elisson er peningarøkil, Laila Rólantsson er skrivari og Claus Højgaard er nevndarlimur.