- Tíðindi, mentan og ítróttur
Barna- og ungdómsbókafestivalur um vikuskiftið
<p>Leygardagin 5. apríl verður endabrestur í Norðurlandahúsinum, har rithøvundar eisini verða við. Møguleiki verður at hoyra ævintýr eftir Jakob Jakobsen, gera sína egnu bók, gera talgild bókaummæli og nógv, nógv annað, boðar Norðurlandahúsið frá.</p>
<p>Sámal Blak hevur gjørt eitt bókaunivers, har til ber at ganga runt millum verur úr føroyskum barnabókum, sum eru komnar út í tíðarskeiðnum 2008-13. Bókauniversið stendur uppi í Skálanum í Norðurlandahúsinum til umleið 10. apríl.</p>
<p>Í fyrireikingarbólkinum, sum hevur arbeitt við hesum, eru umboð úr Bókadeild Føroya Lærarafelags, Tjóðpalli Føroya, Býarbókasavninum, Rithøvundafelagnum, Norðurlandahúsinum og Námi.</p>
<p><em>Kelda: <a href="http://www.nlh.fo" target="_blank">nlh.fo</a></em></p>