Lego-filmur væl móttikin í USA

<p>Teldugjørdi filmurin, »The Lego Movie«, ið er bygdur á heimskendu brikkarnar hjá donsku fyritøkuni Lego, er nú aðru vikuna á rað mest sæddi filmurin í USA og Kanada.</p>

<p>Bert nú um vikuskiftið sóu so nógv fólk í USA og Kanada filmin, at inntøkurnar frá filminum vóru 49 milliónir dollarar ella gott og væl 270 milliónir krónur.</p>

<p>Fyrsta vikuskiftið, filmurin varð vístur, vórðu atgongumerki seld fyri 69,1 milliónir dollarar,&nbsp;slakar 380 milliónir krónur, skrivar tíðindastovan hjá Ritzau.</p>

<p><strong>Filmurin rakar allar aldursbólkar</strong></p>

<p>Orsøkin, til at Lego-filmurin er so væl móttikin millum bæði børn og gomul, er, at filmurin rakar allar aldursbólkar, sigur Dan Fellman, talsmaður fyri framleiðaran, Warner Brothers.</p>

<p>- Filmurin er bæði fyri ein fimm ára gamlan og ein, sum er 85. Teimum&nbsp;fimm ára gomlu dáma filmin, og tað gera eisini foreldur og ommur og abbar teirra, sigur Dan Fellman.</p>

<p>Longu nú eru inntøkurnar frá »The Lego Movie« so munagóðar, at tosað verður um at framleiða fleiri partar í framtíðini. Nær og um hetta verður gjørt, er kortini ikki greitt enn.</p>