Anna Louisa Gaard letur sín fyrsta sang úr hondum

20-05-2019

Í Týsklandi er áhugi fyri nýggja sanginum, Let Me Go. Eg eri klár at fylgja upp, um móttøkan verður góð, sigur Anna Louisa Gaard

Tá hon var tannáringur, sang Anna Louisa Gaard, sum er uppvaksin í Skálafirði, í bólki.

Nakað eftir fóru limirnir hvør til sítt, og hon legði tónleikin á hillina fyribils.

Árini eftir var tað annað enn tónleikurin, ið fór við orkuni.

Anna Louisa Gaard bleiv mamma fyrstu ferð, tá hon var 20, og hon átti fjórða barnið, tá hon var 27.

Um somu tíð tók hon HF og bleiv Bachelor í sjúkrarøktarfrøði.

31 ára gomul fekk hon gittar í føðingardagsgávu frá manni sínum.

Hon lærdi seg at spæla, og hevur nú eisini skrivað fleiri sangir.

Tann fyrsti, Let Me Go, er nú komin á marknaðin.

Manningin er henda:

Samskipan og gittar: Hans Jacob Kollslíð

Framleiðsla og bass: Mikael Blak

Upptøka og klaver: Allan Tausen

Gittar: Hans Marius Weihe Ziska

Trummur: Per Ingvaldur Højgaard

Ljóðbland og mastring: Óli Poulsen

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)