Stórir møguleikar fyri rúmdarvirksemi í Føroyum

07-04-2021

David Arge Klevang Pedersen hevur av álvara verið í miðdeplinum í alheims miðlum, síðani NASA setti Perseverance Rover á Mars.

Staðsetingin ger, at tað hevði verið upplagt at havt eina eina sporingarstøð her, sum kann taka dátur niður frá fylgisveinum.

Eisini høvdu Føroyar verið vælegnaðar til at sent fylgisveinar í umferð kring knøttin.

Hetta eru David Arge Klevang Pedersen, frá DTU Space, og Johan Mortensen, ráðgevi hjá Føroya Teles, samdir um. Báðir síggja stórar møguleikar í rúmdarvirksemi í Føroyum.

Í dag klokkan 16 fer David at halda almennan fyrilestur í Kongshøll um sítt slóðbrótandi arbeiði við rúmdartøkni.

Hann fer at røða um PIXL-myndatólið, sum filmar á Mars, og sum hann stóð fyri at menna og er við til at stýra av jørðini.

Myndatólið er eitt lyklatól á akfarinum hjá NASA, Perseverance Rover, sum nú leitar eftir lívi, sum kanska var, á reyðu gongustjørnini.

Fyrilesturin hjá Davidi verður hildin á enskum, men spurningar og svar eru á føroyskum. Fullteknað er til fyrilesturin, men hann kann stroymast her.

Tað eru Føroya Tele og Fróðskaparsetrið, ið stíla fyri fyrilestrinum um rúmdartøkni .

Hann byrjar klokkan 16 í dag og kann stroymast her.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)