Norðoyggjar fáa nýtt boksifelag

15-01-2021

Full Power og Tórshavn boksing ætla at stovna boksifelag í Klaksvík.

Áhugin fyri boksing í norðoyggjum er so mikið stórur, at nú verður fyrsta boksifelagið í Klaksvík sett á stovn.

- Vit hava í langa tíð havt fitnessboksing, men eftir áheitan frá Tórshavn Boksing fara vit nú undir at gera eitt boksifelag. Umstøðurnar her eru góðar, vit hava útgerð, og vit vita, at sum nú er fara fólk til Havnar fyri at kunna venja boksing, sigur Unnur S. Fonn, ið saman við Sølvá J. Joensen eigur og rekur venjingarmiðstøðina Full Power í Klaksvík.

Í morgunsendingini greiddu tær báðar frá ætlanunum við nýggja felagnum, Klaksvík boksing, og um boksing um ítróttargrein.

Eftir ætlan verður stovnandi aðalfundur hóskvøldið 21. januar 2021.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)