- Tíðindi, mentan og ítróttur
Heartist
Fyrst í hesum árinum var heimildarfilmurin HEARTIST frumsýndur á altjóða filmsfestivalinum í Keypmannahavn CPH:DOX, har filmurin eisini var í uppskoti til heiðurin sum besti norðurlendski dokumentarfilmur.
Leikstjórarnir, Marianna Mørkøre og Beinta á Torkilsheyggi, skuldu upprunaliga, saman við filmsfotografinum Rógva Per Rasmussen, gera ein film upp á fimm minuttir til Listaskálan. Men skjótt gjørdist greitt, at Sigrun Gunnarsdóttir var so mikið áhugaverd, at tey vildu gera ein heimildarfilm (dokumentar) um hana. Tað kanst tú lesa meira um her.
Hóskvøldið eftir Dag og viku vísa vit HEARTIST í sjónvarpinum, og samstundis verður heimildarfilmurin tøkur á heimasíðu okkara í 6 mánaðir.
Heartist
Heimildarfilmur um føroysku listakvinnuna Sigrun Gunnarsdóttir.
Marianna Mørkøre og Beinta á Torkilsheyggi hava leikstjórnað, Rógvi Per Rasmussen hevur filmað, og Ólavur Jákupsson gjørdi tónleik og ljóðmynd. Animatiónirnar hevur bretska Katy Beveridge gjørt.
Heartist er tøkur á kvf.fo til og við 11. juli 2024.