Til Noregs við Naddoddi

Ein sveisisk manning ætlar at sigla til Noregs við seksæringinum Naddoddi, eins og víkingarnir gjørdu fyri túsund árum síðan. Og Livar Nysted verður allarhelst eisini við

Teir royndu seglini hjá Naddoddi í dag. Ætlanin er at sigla til Noregs í juli

Mynd: Arnfinn Bech

Emil Lisberg Jacobsen

28.04.2024 - 18:18

"Teir vilja hava meg við eisini, men eg veit ikki hvussu tað verður. Eg haldi hetta er øgiliga spennandi, men eg skal sjálvandi verða góðtikin av teimum, fyrst og fremst."

Tað sigur Livar Nysted, sum allarhelst fer at sigla seksæringin Naddodd av Tvøroyri til Noregs í summar saman við eini sveisiskari manning.

Ætlanin er at sigla soleiðis sum víkingarnir gjørdu fyri túsund árum síðan.

"Hetta er ein púra opin bátur, og man svevur undir opnum himni, og ferðin tekur nakrar dagar, so man fer veruliga at kenna vind og veður. Man kann ikki fara í eina heita koyggju", sigur Livar Nysted.

Fimm ella seks mans skulu vera við á ferðini, sum - um viðrar - verður gjørd í seinnu helvt av juli mánaði. Teinurin er millum 350 og 450 fjórðingar, og um byrurin er góður, kann hann siglast uppá 3-4 dagar.

Hoyrið Livar Nysted greiða frá ætlanini her:

Livar_longri_version