Hendan túrin er ein av teimum fýra motorunum ikki inni í skipanini og tí siglir Smyril bara við trimum motorum. Ein av maskinmonnunum, Sam Vang, sigur, at teir hava funnið orsøkina. Tað er ein tekniskr feilur, sum nú er rættaður. Hann sigur, at vanliga hevur Smyril økonomiferð,su er eina 18-20 míl.

Liljan Hildibjartsdóttir hevur siglt við Smyrli síðani í januar mánaði. Men hon hevur áður verið við gamla Smyrli. Fleiri systar hava siglt við Smyrli í mong ár.

Martin Eið er ein av teimum, sum stýra ferðsluni á dekkinum. Han hevur verið við í eitt ár. Hann sigur, at tey hava merkt væl, at Varðin Pelagic ikki flytir fiskavøru sum er eftir at virkið brann í grund.

Lena Skaalum hevur siglt við Smyrli í 30 ár. Hon trívist væl í kioskini, har tey eisini avgreiða ferðaseðlarnar.

Óli Breckmann fer til Suðuroyar í morgun og hugleiðr um stóru broytingarnar í okkara ferðingarmnstri. Nògv fólk minnast, at tað tók tríggjar dagar at ferðast úr Vági til Viðareðis.

Formaðurin í Starvsmannafelagnum, fer til Suðuroyar at fundast við alment lønt starvsfólk. Hann sigur, at tað er umráðandi at formaðurin vísir kemur út um landið.

Ruth millum Garðarnar fæ frívakt og ger sg til at fara í land á Krambatanga. Hon gleðir seg at koma heim til børnini eftir eina viku umborð á Smyrli.

Tá Smyril leggur at á Krambatanga kemur Ronald Robertson umborð við reinum seingjarklæðum frá vaskarínum á Suðuroyar Sjúkrahúsi og eftir teimum skitnu seingjarklæðunum hjá manning og ferðafólki.

Hilmar Eliasen, stjóri á Strandfaraskipum Landsins, sigur, at á suðuroyarleiðini er nógv vaksið síðani nýggi Smyril kom. Strandferðslan hevur gjørt okkurt átak fyri at fáa fleiri útlendsk ferðafólk at vitja Suðuroynna. Úrslitið av tí sæst ikki í tølunum fyrr enn næsta ár.

Skipari henda túrin er Marius Hansen. Hann hevur siglt við Smyrli í nógv ár og sigur, at vit gloyma teir ringu túrarnar. Hann sigur, at fólk eru ikki serliga tolin tá Smyril avlýsir túrar fyri veður. Tað verða eingir túrar avlýstir til stuttleikar..

Teitur Guttesen er aspirantnæmingur umborð í fimm vikur. Hann sigur, at Smyril er eitt gott lærupláss.

Ella Nolsøe Petersen úr Vági siglir nógv við Smyrli og hon setist ongantíð aftur fyri veður. Ella sigur, at  skipið kann metast sum ein motorvegur millum Havina og Suðuroynna.

Jónfríð Hjelm er kokkur umborð í dag. Hon sigur, at eftir ein langan dag í Havn er tað vanligt at fólk fáa sær ein góðan bita umborð á túrinum suðureftir.

Finnbjørn Hermansen hevur siglt við Smyrli og avloysti fyrstu ferð umborð á Teistanum i 1976. Og síðani 1980 hevur hann siglt fastur við Smyrli.

Julia Dalfoss hevur ymsar uppgávur umborð, bæði at vaska og at servera fyri ferðafólkinum.

Og Ester Mørk dámar væl at sigla við Smyri. Hon fer til Havnar at keypa stás og so fer hon møguliga á bingo á Argjum.