Við Tórði á túri

Við Tórði á túri í Hvalba (1:2)
17-05-2021
Hvalba er ein spennandi, søgulig og vøkur bygd, ið júst hevur fingið nýggjan tunnil. Bæði fólk og vinnulív í Hvalba merkja at nýggjur tunnil er komin

Á Trolvirkinum Berginum eru tey fegin um nýggja og framkomna Hvalbiartunnilin. Nú kunnu tey brúka stórar lastbilar at flyta tilfar og trol við.  Alt verður nógv lættari, sigur Jógvan Thomsen, stjóri á Trolvirkinum.

 

Anni Thomsen er bókhaldari á Trolvirkinum. Hon er ættað úr Kvívík og er sostatt ein av tilflytarunum í Hvalba. Hon sigur at tað tók sína tíð at venja seg við at vera í Suðuroy og vera bundin av Smyrli. Men nú er hon fallin væl til og stórtrívist í Hvalba. Hon er eisini sera glað fyri nýggja tunnilin.

 

Jákup Næs Joensen er fróðarmaður og hann greiðir frá ymiskum søguligum viðurskiftum í Hvalba. M.a. søgnini um, hví døglingurin kemur til Hvalbiar umleið 7. september á hvørjum ári.

 

Kaj André Holm røktar norðasta haga í Suðuroynni. Hann sigur, at kuldin í vár og í summar hevur gjørt, at eingin gróður er og tí leitar seyðurin í bakkan, har gróðurin kemur fyrst. Í ár hava teir mist einar átta seyðir í bakkanum.

 

98 ára gamla Betta Eið er elsti borgari í Hvalba og hon býr í Eldrasambýlinum í bygdini. Eisini hon er glað fyri nýggja Hvalbiartunnilin, og hon og 95 ára gamli beiggin, Allon, vóru tey fyrstu, ið alment koyrdu gjøgnum nýggja tunnilin.

 

Eir Norðberg, sum er bygdaráðslimur í Hvalbiar Kommunu, hevur skotið upp at vetrarfriða bøin í Hvalba. Fyri hana er tað ein skilagóð loysn, tí øll skulu vera her. Hon heldur ikki at tað eigur at kosta nógvar pengar at halda seyð hjá øðrum burtur frá egnum stykki. Eir sigur, at bygdin er í tvíningum tá tosað verður um at vetrarfriða, og tí er umráðandi at finna røttu loysnina.

 

Juanita Schrøter Holm og Martin Berg, sum eiga trý børn, eru júst flutt úr Havn til Hvalbiar, og nú fara tey at byggja nýggj hús her. Tey umhugsaðu at byggja í Havn, har Martin er uppvaksin, men tað bleiv alt ov dýrt. Tí fluttu tey suður í heimbygdina hjá Juanitu og tað angra tey ikki. Martin heldur, at tað er róligari her enn í Havn og familjan er farin at ganga nógv í náttúruni. Juanita sigur, at nógva ferðslan í Havn gjørdi sítt til, at tey avgjørdu at flyta suður.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Høvuðspersónurin á túrinum í dag er 91 ára gamli gjáarmaðurin Petur Jacob Sigvardsen, sum hevur givið fleiri og 20 bøkur út eftir at hann bleiv pensiónistur
25-03-2024
Tey hava sungið nærum kring alt landið, og tað er hugtakandi at hoyra og síggja kórið Sangfuglar við minnisveikum fólkum framføra kórsang. Kórið hevur verið til í seks ár
18-03-2024
Í ár varð serliga nógv gjørt burtur úr í sambandi við kvinnudagin 8. mars. Tiltøk vóru alla vikuna og vit hoyra um nøkur á hesum túrinum.
11-03-2024
Fyrstu sethúsini í býlinginum á Breiðabliki í Havn vórðu reist fyri góðum 20 árum síðani. Og í dag vita tey, sum har búgva, at siga frá nógvum søgum
04-03-2024
Fyri 18. ferð hava torradagar verið í Klaksvík. Eitt tiltak, sum samlar nógv fólk í sambandi við fiskivinnu og mentan. Á hesum túri vitja vit fleiri av tiltøkunum
26-02-2024
Gamla Hospital í Havn, sum varð tikið í brúk í 1829, kemur nú til heiður og æru aftur. Í 43 ár hava Vanja Petersen og onnur arbeitt við at fáa tað til eitt savn ov fortíðina
19-02-2024
Næstseinasta vikuskifti var ein hópur av tannáringum á Mini Teen Street á Kambsdali. Í sendingini hitta vit fleiri, sum eisini plaga at vera á altjóða leguni í Týsklandi
12-02-2024
400 ára gamli studentagarðurin í Keypmannahavn, Regensen, er framvegis siðbundin studentagarður og har búgva í dag fimm føroyingar. Teir gomlu siðirnir eru framvegis á Garði
05-02-2024
Útróðrarbátar í Klaksvík fáa nógvan fisk, tá tað viðrar at sleppa út. Teir eru á einum máli um, at teir hava ikki niðurfiskað toskastovnin og teir eru ósamdir við frøðingarnar
29-01-2024
Pensjonistar í Kollafirði hugna sær í Tilhaldinum millum Bóla. Men tey halda, at tey kundu verið nógv fleiri. Tilhaldið er 35 ár og tey siga, at tað var fyrsa av sínum slag
22-01-2024
Tráan eftir farnari tíð, siðvenjur og hugni eru nøkur ting, vit seta í samband við jólatíðina. Í dag vitja vit kring landið og hesin túrur er merktur av jólafyrireiking
18-12-2023
Alt verður lættari, og tey fáa fleiri tímar um samdøgrið, siga pendlarar, nú Sandoyartunnilin verður tikin í brúk. Men tey fara at sakna hugnaligu prátini umborð á Teistanum
11-12-2023