Frá fyrsta Smirli til í dag

Frá fyrsta Smirli til í dag - 17. sending
29-05-2021
Mykines, Slættanes, heimabygdi Norðurstovubussurin, og valuta loyvi

Vágar eru bæði fjølbroyttar og spennandi, tá ið talan er um føroysku samferðslusøgana. Og ein partur av samferðslusøguni í Vágum er farleiðin út í Mykines, sum vit umrøða saman við Heina F. Petersen og Dánjal Poulsen, sum hava lagt úr hondum frálíka bókaverkið Vága samferðslusøga. Eisini hitta vit Svabo Joensen, sum var skipari á Súluni frá 1988 til 1998.
Eisini verður hugleitt um avtoftaðu bygdina Slættanes saman við Heina F. Petersen.
Eitt, sum eisini hevur eyðkent samferðslusøguna í Vágum, eru teir mongu heimagjørdu bussarnir, ið vóru bygdir har vesturi.
Og tann kanska kendasti og flottasti er óiva Norðurstovubussurin, ið Engelbrecht Poulsen, ið var ein sera dugnaligur snikkari í Miðvági, og Bjarni Joensen, smiðjumeistari í Miðvági, gjørdu til Handilsvirkið N. Niclasen í Sørvági í 1962.
Bussurin varð bygdur í gomlu smiðjuni hjá J. K. Joensen í Miðvági, ið er bygningurin, sum Sjóvinnustýrið eisini hevur húsast í.
Í 2006 gjørdi Jens Jákup Hansen sera áhugaverdu og søguligu sjónvarpssendingina Norðurstovubussurin, har ið eitt nú Engelbrecht Poulsen og Bjarni Joensen greiða frá. Og vit hoyra nøkur brot úr hesari sendingini.
Ætlaði tú tær at keypa bil ella annað akfar í 1960-árunum, var neyðugt at útvega sær valuta loyvi - og tað var ikki latið øllum. Vit lýsa skipanina saman við Magnusi Gunnarson (Maggi).
Tú kanst hoyra sendingina her!

Frá fyrsta Smirli til í dag

Frá fyrsta Smirli til í dag er sendirøð, ið lýsir føroyska samferðslusøgu í 125 ár.
Tveir serstakir Volvo bussar við hvør sínari spennandi søgu. Annar er í dag partur av Danmarks Jernbanemuseum í Odense, og hin varð keyptur frá Simon Spies
24-03-2022
Hóast fyrsta rutan hjá Bygdaleiðum byrjaði í 1979, var tað í 1980-árunum, at Bygdaleiðir menti seg til eina týðandi bussleið um alt landið
17-03-2022
Føroyska tyrluflúgvingin, ið var undir støðugari menning í 1980-árunum, fekk alstóran týdning fyri útoyggjarnar og smáplássini
10-03-2022
Leirvíksbergholið, ið varð tikið í nýtslu í 1985, fekk stóran týdning. Og hvørjar eru avbjóðingarnar, tá ið tú skalt koyra eina stóra maskinu í ringastu líkindum?
03-03-2022
Byrgingin um Haraldssund, sum varð kosin eitt fløkt stríðsmál, Kunoyartunnilin, vegurin til Múla og nýggj Terna um Leirvíksfjørð
17-02-2022
Vit taka saman um 1970-árini og seta skjøtil á 1980-árini í samfelagshøpi og tá ið talan er um samferðslu
10-02-2022
Tað var mangan bítandi kalt hjá monnunum, sum gróvu kava. Ferjulegan og umstøðurnar á Toftum. Og søgulig samrøða um fyrstu ljóskurvarnar í Havn
03-02-2022
Ritan kemur í 1971 og Ráðið fyri ferðslutrygd verður stovnað í 1976
27-01-2022
Farið varð undir at gera veg um fjallið, men tá ið saman um kom, varð tunnil gjørdur millum Sandvík og Hvalba
20-01-2022
Útoyggjarnar eru ein serlig avbjóðing í føroyskari samferðslusøgu, og í dag verður kósin sett til tvær teirra, nevniliga Skúvoy og Dímun
13-01-2022
Nógv stendur á landsstýrinum, suðuroyingar mótmæla, og skjóttgangandi tvíkiljan Hornøy kemur til landið
09-12-2021
Byrgingin um Hvannasund fekk sera stóran týdning, fyrst og fremst fyri Hvannasund og Viðareiði, men eisini fyri Klaksvík og norðurøkið yvirhøvir
02-12-2021