Frá fyrsta Smirli til í dag

Frá fyrsta Smirli til í dag - 7. sending
13-03-2021
Seinri heimsbardagi leggur upp til eina íðnaðarkollvelting í Vágum, Ritan verður ásigld, og Barsskor fer at sigla er millum evnini hesuferð

Seinri heimsbardagi ávirkar eisini samferðsluna í Føroyum. Og í bókini Smirlarnir í strandfarasigling skrivar Erling Poulsen soleiðis:
Tað fyrstu tíðina eftir at kríggið var brostið á, tað er veturin 1939-40, sigldi Smiril sum vant eftir galdandi ferðaætlan. Men tá ið Danmark í apríl 1940 varð hersett av týskinum og Føroyar av eingilskmonnum, broyttist mangt og hvat hjá Smirli. Í Føroyum var alt myrkalagt, so Smiril mátti sigla við sløktum lanternum. Vitarnir vóru eisini sløktir, og kom tað illa við hjá skipum, ið skuldu sigla myrkar vetrarnætur millum oyggjarnar.
Smiril varð ikki bara brúktur sum ferðamannaskip, men undir seinra krígnum, tá ið Føroyar vóru hersettar av bretum, varð hann mangan nýttur sum flutningskip av hervaldinum.
Men Seinri heimsbardagi er eisini orsøkin til eina íðnaðarkollvelting í Føroyum - og ikki minst vesturi í Vágum, har hermenn, maskinur og ymisk akfør gera nýggjar nýmótans vegir og flogvøll.
Vit hava verið í Krígssavninum, har vit hittu Dánjal Poulsen og Heini F. Petersen, sum eisini siga okkum søguna um rutubátin Vesturleið.
Vit fregnast eisini um Rituna, ið varð bygd í 1949, og sum sakk í 1968, eftir at hon varð ásigld av Ternuni uttanfyri Molan í Havn. Vit hitta eitt av ferðafólkunum, ið var við Rituni hendan túrin, nevniliga Suna Hansen í Nólsoy.
Í 1948 yviurtekur Hugo Gardar postrutuna til Kalsoyar og Kunoyar. Jógvan Ravnsfjall sigur okkum søguna um fyritøkuna hjá Hugo Gardar, Leivur Andreasen og Jákup Andreasen siga okkum søgur frá Barsskor og Polaris, og Jógvan Joensen á Trøllanesi sigur frá, um tá Polaris kom á Trøllanes við sandi.
Tú kanst hoyra sendingina her!

Frá fyrsta Smirli til í dag

Frá fyrsta Smirli til í dag er sendirøð, ið lýsir føroyska samferðslusøgu í 125 ár.
Onkursvegna eru Føroyar vorðnar meiri sum EIN býur, heldur enn eitt stórt oyggjasamfelag, sigur Firouz Gaini, professari, sum vit tosa við um týdningin av samferðslukervinum
23-06-2022
Fagranes nøktar ikki tørvin um Leirvíksfjørð, og Dúgvan rekur fyri vág og vind í Suðuroyarfirði, eru tvær av samferðsluyvirskriftunum í 1990-árunum
16-06-2022
Runavík fekk fyrstu rundkoyringina í Føroyum, Anskar Lenvig hevur avgreitt strandfaraskipini úti í Hesti síðani 1949, og ferjulegan í Vestmanna skuldi gerast aðrastaðni
09-06-2022
Tróndur fer at sigla av Gomlurætt, Landsverk yvirtekur raksturin av tyrlupallunum, og ein tyrla dettur niður norðuri á Skarði
02-06-2022
Vegurin millum Skopun og Sand, gamla Esso pumpan í Trøðum á Sandi, og Skopunar havn
26-05-2022
Í 1983 samtykkir Løgtingið at gera ferjulegu í Kirkjubø, men eftir drúgva togan, verður ferjulegan løgd við Gomlurætt
19-05-2022
Kollafjarðartunnilin, kvinnurnar manna Smyril, og tyrluvanlukkan á Borðoyarvík
12-05-2022
6. mai 1922 kom fyrsti bilurin til Føroyar, og hetta hátíðarhalda vit við at fáa søguna um fyrsta bilin, eins og nomið verður við hvussu bilurin hevur broytt samfelagið
05-05-2022
Sumbiartunnilin gjørdist drúgvur, dýrur og vátur. Men hvør er søgan um tunnilin og hvussu vórðu tær mongu avbjóðingarnar við vatni og tilfari loystar?
28-04-2022
Í 1990-árunum eru Føroyar í djúpari kreppu, og hetta merkist um alt landið. Vit tosa við Hans Andrias Sølvará og Finnleif Durhuus, eins og vit hava fregnast um Bókabussin
07-04-2022
Tunnlarnir fingu stóran týdning fyri Kalsoynnað
07-04-2022
Teistin verður keyptur, samgonguslitið í 1980, Dúgvan kemur til landið, nýtt skip til siglingina út í Mykines, og skúlabusskoyringin á Skálafjørðinum
31-03-2022