Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sára og Dunna, Mouk og L fyri lomb.
"Snipp snapp" er hvørt mikukvøld, hóskvøld og um vikuskiftið.

Ljóðfílurin og Jensina eru flutt í fagra Pappdalin. Har vaksa tyggigummiblómur, tyggitummitrø og litfagrar blómur. Jensina ger myndir til ein sang, stavar, tey fara gjøgnum Loyniligu Loynihurðina, og so er tað skapandi verkstaðurin. Pipp Papp Hey! er ein sending fyri børn frá 0-109 ár.

Pipp Papp Hey! 6
Kava
Hagin er fullur av grasi, fuglum og gróti, men hvussu sær havbotnurin út? Jensina syngur um havsins botn, og nú er spennandi at vita, hvar tey enda. Vónandi fær Jensina ikki vatn í gummistivlarnar.

Lagt til rættis: Jensina Olsen.

Morten Münster er ein av mest kendu youtubarum í Danmark. Fyri at halda fast við teir meir enn 300.000 fylgjararnar, leggur hann tvey nýggj video út um vikuna. Ger hann ikki tað, dalar hyggjaratalið, og tað krevur at verða skipað. Mortan er undir trýsti, tí hann klippir eisini YouTube-video fyri systrina og foreldrini.
Robin er tónleikari, og tað sum hann vinnur sum youtubari, investerar hann í tónleikin. Tað vísir seg at vera skilagott, tí skjótt eru fleiri áhugað.
Framl.: Warner Bros. Danmark
Framl. fyri: TV 2 DANMARK
Framl. ár: 2018

Hæddarpunkt frá talentkappingini.
Vit síggja tað besta og vánaligasta frá upptøkuroyndunum.
Uppr.heiti: Britain´s Got Talent Best and Worst
2. partur
Framl. ár: 2020

Heystið er komið, og Frank er aftur. Hann fer nú undir tað stóra vindmylluprosjektið, og til tað krevjast tungir jarnbjálkar og ein krani, sum rakar neyvt. Og so fær Frank eina gávu púra óvæntað, og tað lættir um vindmylluprojektið.

Hóast Danmark er eitt lítið land, kann stórur munur vera á kostnaðinum á tveimum bústøðum, sum líkjast rættiliga nógv - alt eftir, hvar í landinum teir eru.
Peter Ingemann hevur altíð verið rættiliga áhugaður í bústøðum og bústaðarmarknaði. Sama er galdandi fyri Anders og Claus. Nú ferðast teir um landið at vita, hvør hevur best skil á bústaðarkostnaði.

Norsk dokumentarrøð frá 2019 um at liva við álvarsligari sinnissjúku. Unnustin hjá Veroniku doyði brádliga, og torført er at koma burtur úr sorgini. Cecilie er við, tá Veronika byrjar ta torføru leiðina inn í tað tunga og torføra.
Programml.: Cecilie Kåss Furuseth.

Á Mellerup Eftirskúla lærdi Puk Elgård at fáa vinkonur. Hon fer at hitta genturnar, hon búði saman við - og var mest saman við - at vita, hvussu lívið hevur lagað seg hjá teimum - og at siga teimum, hvønn avgerandi mun tær hava gjørt fyri hana og hennara lív.
1. partur
Framl. ár: 2021
Framl.: Heartland

Fimm sjálvboðin hava játtað at eta klænkimat í tríggjar vikur, men fyrst kannar Michael Mosley dr. heilsuna hjá teimum. Hvussu hevur korona ávirkað?
Upprunah.: Lose A Stone in 21 Days
1. partur
Framl. ár: 2020

75 ár eru nú liðin, síðani føroyingar vóru á fólkaatkvøðu um samband ella loysing. Í sendingini fáa vit søguna um hesa tilgongd. Føroyar vóru í 30-árunum ógvuliga tilafturskomnar, men krígsárini forvunnu Føroyar nógvan pening í vandasiglingini til Bretlands at selja fisk. Samstundis sum ráðini batnaðu, vaks fram eitt nýtt tilvit millum føroyingar. Ein kensla av, at vit kunna sjálvir. Hin nýggi Fólkaflokkurin, sum umboðaði radikalt sjálvstýri, gjørdist størsti flokkur undir krígnum. Sambandið við Danmark varð kvett øll krígsárini, og tí var støðan spent eftir krígslok. Føroyingar vildu ikki aftur í amtsstøðuna. Tingingar vóru við donsku ríkisstjórnina um eina framtíðarskipan fyri Føroyar. Knúturin var ringur at loysa, tí føroyingar vóru mest ósamdir innanhýsis. Endin av øllum var, at fólkaatkvøða skuldi vera um samband ella loysing. Tepur meiriluti var fyri loysing á fólkaatkvøðuni 14. september 1946, men stutt eftir upploysti danski kongurin Løgtingið og skrivaði út nýval í Føroyum.

Í sendingini eru Zakarias Wang, Hans Andrias Sølvará, Óli Breckmann, Pól á Kletti, Høgni Mohr o.a.

Suni Merkistein og Jens Jákup Hansen hava lagt til rættis.

22. og 23. partur
Gongustjørnan hjá lokonautunum
Lítli prinsur og Revur eru komnir til eina gongustjørnu, har tey koyra í toki millum oyggjar. Ein oyggj er til hvørt virksemi. Men sporskiftarin er blivin í ørviti, og einki skil er á nøkrum. So mugu lítli Prinsur og Revur upp í leikin.

Svenski úlvurin - elskaður og hataður. Fyri hundrað árum síðan vóru tey stóru rovdjórini næstan avoydd í Svøríki. Men nú eru tey aftur. Anders Lundin fylgir rovdýraslóðini, ikki bara fyri at fáa meir at vita um djórini, men eisini fyri at skilja tey fólk betur, sum liva nær djórunum - upp á gott og ónt.

Dokumentarur um listamannin Ingálv av Reyni, sum Hans Petur Hansen og Dánjal Højgaard hava framleitt.

Í seinnu helvt av 90-unum fylgdu nakrir føroyskir fjølmiðlamenn Ingálvi av Reyni í útvið trý ár. Burturúr kom heimildarfilmurin "Svartur sannleiki" (1999), sum er ein persónslýsing av Ingálvi, við
listamanninum sjálvum sum frásøgufólki.

20 ár seinni hava framleiðararnir verið í pappeskjunum og leitað gamlar upptøkur fram, sum máttu sáldast frá í klippingini til filmin.Virðismiklar upptøkur um ein av Føroya fremstu listarmonnum, sum ikki hava verið vístar alment fyrr.

Hesaferð møta vit Ingálvi av Reyni soleiðis sum filmsliðið aftanfyri Svarta sannleika upplivdi hann. Á ferðini síggja vit samrøður, sum ikki hava verið vístar fyrr. Vit síggja aðrar síður av listamanninum og fáa innlit í íblástrarkeldurnar, sum ávirkaðu hann.

Dokumentarurin er gjørdur í sambandi við, at tað herfyri vóru 100 ár síðani Ingálvur av Reyni var borin í heim.

Lagt til rættis og framleitt: Dánjal Højgaard og Hans Petur Hansen

(Forfulgt af Niklas Friis).
Samleikastuldur og tráelting á netinum er ein vaksandi trupulleiki í Danmark. Tíðindafólkini Camilla Rytz og Karin Cruz Forsstrøm royna at greiða eitt mál, har fleiri kvinnur fortelja um eitt lív við paranoia, ótta og ótryggleika, tí tær ikki vita, hvør eltir tær á netinum.
Hví er Niklas Friis ikki blivin steðgaður? Camilla Rytz og Karin Cruz Forsstrøm ynskja svar frá myndugleikunum og fáa at enda fatur á gerningsmanninum.
Seinni partur.
Framl. ár: 2021
Framl.: TV 2 DANMARK

Miami 1994. Bodybuildarin Danny Lugo (Mark Wahlberg), eigur venjingarmiðstøðina Sun Gym. Hann fær tað fiksa hugskotið at taka ein av ríkmonnunum, ið venja, til fanga í vón um at kunna liva sum ein greivi av loysigjaldi. Hann lokkar aðrar við sær. Men trupulleikin er bara tann, at teir tríggir menninir hava tað í felag, at teir hava nógv størri vøddar enn heila!
Filmurin byggir á veruligar hendingar.
Leikarar: Daniel Lugo: Mark Wahlberg, Paul Doyle: Dwayne Johnson og Ed Du Bois: Ed Harris.
Adrian Doorbal: Anthony Mackie. Victor Kershaw: Tony Shalhoub. Dr. Bjornson: Peter Stormare. John Mese: Rob Corddry. Sorina: Bar Paly. Ramona Eldridge: Rebel Wilson. Johnny Wu: Ken Jeong
Handrit: Christopher Markus og Stephen McFeely.
Leikstj.: Michael Bay.
Upprunah.: Pain & Gain
Framl. ár: 2013
Filmurin er óhóskandi fyri børn!