Eiga at banna oljufýringar og bensinbilar

Manglandi grønar orkukeldir eru orsøk til, at øll umlegging til el í 2019-2020 er framleidd við olju. Tað merkir ikki at vit ikki skulu leggja um tí hitapumpur og el-bilar dálka minni enn oljufýringar og bensinbilar, sigur Suni Petersen, deildarleiðari á Umhvørvisstovuni.

Vit eiga at banna oljufyringum og bensin og dieselbilum, heldur hann.

Útlátið av vakstrarhúsgaasum hevur verið støðugt  vaksandi og í 2020 var útlátið 4,7 prosent hægri enn í 2019. Ein stórur partur av hesum vøkstri er olja sum millum annað stavar frá el-framleiðslu.