Nøgd hóast tap

Venjarin hjá føroyska kvinnulandsliðnum í fótbólti, Lene Terp, er nøgd við úrslitið, hóast kvinnurnar taptu 2-0 í finaluni móti Litava í Baltic Cup fyrr í dag. 

Litava legði seg framum í dystinum, tá eitt gott korter var spælt, og tíggju minuttir fyri leiklok økti Litava um leiðsluna til 2-0, sum eisini var endaliga úrslitið. 

Í hálvfinaluni, sum varð spæld hósdagin, vann Føroyar á Estlandi eftir brotssparkskapping.

Trýst á pílin undir myndina fyri at hoyra samrøðuna, sum Arnfríð Joensen Dahl gjørdi við Lene Terp, landsliðsvenjaran hjá føroysku kvinnunum, beint eftir dystarlok.