- Tíðindi, mentan og ítróttur
Gaïni: Kalt vatn í blóðið
Shahin Gaïni er yvirlækni í infektiónsmedisini. Hóast vit herfyri hoyrdu, at ein matvørufyritøka hevði sent laks fongdan við listeriubakteriu í handlarnar, kann Gaïni fortelja, at tey, sum er, ikki hava nakrar sjúklingar við "listeriosu", sum sjúkan kallast, ið listeriabakterian er atvoldin til.
Í 11 ár hevur Shahin Gaïni arbeitt sum lækni í infektiónssjúkum, og alla hesa tíðina hevur hann bara upplivað trý fólk, sum vóru álvarsliga sjúk við listeriubakteriu. So hetta er ein sjáldsom sjúka, og Shahin mælir frá at loypa framav orsakað av tilburðinum við listeriufongdum laksi.
Men, leggur hann afturat, at tað er jú sera umráðandi at fylgja leiðbeiningunum frá heilsumyndugleikunum (les HFS), tí listeriosa er ein sera álvarsom sjúka, tá hon rakar, og deyðiligheitin er stór.
Vikuskiftissendingin var á gátt á Landssjúkrahúsinum og prátaði við Shahin Gaïni, yvirlækna í infektiónsmedisini, um listeriubakteriu og eitran av henni.
Tak niður
Sí eisini