- Tíðindi, mentan og ítróttur
Jarðfrøðin seinkar Fámjinstunnilin
07.04.2021 - 13:38
Innlendis›Politikkur
Jarðfrøðin seinkar Fámjinstunnilin
Metti kostnaðurin er nú 170 milliónir krónur
Neyðugt er at seta umleið 25 milliónir krónur aftrat av til verklagslógina at bora Fámjinstunnilin.
Sostatt er metti kostnaðurin av verkætlanini nú um 170 milliónir krónur.
- Peningurin skal brúkast til at tryggja tunnilin betri móti leysum tilfari, sigur Sigurd Lamhauge, stjóri hjá Landsverki.
Sambært Sigurd Lamhauge er verklagslógin til tunnilin nakað seinkað, tí talan er um eina serstaka jarðfrøði har tunnilin skal borast.
Millum annað hevur verið neyðugt at kannað lendið væl, áðrenn endaliga linjuføringin bleiv løgd.
Í næstu viku er ætlanin at fara í holt við tilgongdina at undangóðkenna fyritøkur, sum eru áhugaðar í at bora Fámjinstunnilin.
Tak niður
Nýggjastu sendingar í ÚV
Nýggjastu sendingar í SV