FSF bíðar eftir nærri boðum

Í morgin spæla HB og NSÍ stórsteypadyst á Tórsvølli klokkan 16. Og næsta vikuskifti byrjar landskappingin í fótbólti.

Støða skal nú takast til, um kappingin í næstu viku verður við ella uttan áskoðarum, men enn hevur FSF forsetin, Christian Andreasen, ikki hoyrt frá myndugleikunum, hvussu Fótbóltssambandið skal gera.

Sambært Christiani Andreasen verður stórsteypadysturin í morgin spældur við áskoðarum. Almennu tilmælini um frástøðu og reinføri skulu haldast. Av tí at tað er gott pláss á Tórsvølli, verða áskoðararnir skipaðir í bólkar.