Breddin

Breddin
19-01-2021
Sølan av Magn og uppskot til kunngerð um larm frá skipum við bryggju er á skránni í Breddanum hesaferð

Kommunur og vinnulívið finnast hvassliga at uppskotinum um kunngerð, sum skal avmarka óljóð frá skipum við bryggju. Uppskotið er óbrúkiligt og kann avhøvda alla vinnu, siga kommunurnar og vinnan, men tær ásanna, at okkurt má gerast. Landsstýrismaðurin í Umvhørvis- og Vinnumálum, næstformaðurin í Kommunufelagnum, og forkvinnan í áhugafelagnum Heimafriði vitja í útvarpsstovuni.

Og

Móðurfelagið hjá Orkufelagnum Magn, íslendska Skeljungur hevur fingið nýggjan eigara, og alt bendir á, at føroyski parturin av felagnum verður seldur burturfrá. Men hví vilja íslendsku eigararnir selja gullhønuna, sum hevði 45 milliónir kr. í avlopi í 2019 fyri skatt, og hevur vorpið meira enn 300 milliónir kr. í avlopi tilsamans seinastu 10 árini?

Kunngerð um óljóð frá skipum við bryggju

Fríggjadagin fór freistin at lata hoyringsskriv inn til uppskotið, sum skal avmarka óljóð frá skipum, sum liggja við bryggju. Og uppskotið fær misjavna móttøku, serliga frá teimum, hvørs virksemi beinleiðis verður ávirkað, um kunngerðin kemur í gildi í verandi líki.

Í kunngerðini hjá Helga Abrahamsen verður tað skotið upp at áseta markvirðir fyri lágfrekvent óljóð. Tey fyrstu markvirðini koma ætlandi í gildi 1. juli 2021, og síðan lækka tey í tveimum stigum, fyrst 1. januar 2023 og síðan aftur 1. januar 2025. Uppskotið áleggur í fyrstu atløgu havnarmyndugleikanum at máta lágfrekvent óljóð inni í einum hóskandi tali av bústaðarbygningum, sum eru serliga ábærir fyri óljóði frá skipum við bryggju. Óheft fakkøn skulu gera kanningarnar, og Umhvørvisstovan skal góðkenna kanningarætlanina. Við støði í úrslitunum av ljóðmátingum inni í bygningum og áhaldandi ljóðmátingum í økjum nærindis havnarlagnum skal havnarmyndugleikin við boðum ella atgerðum tryggja, at tey ásettu markvirðini verða hildin. Havnarmyndugleikin ræður sjálvur fyri, hvussu hann røkkur endamálinum at halda tey ásettu markvirðini. Talan kann vera um at flyta skip, at vísa skipum burtur, at útvega skipum landsstreym o.s.fr. Og tað er Umhvørvisstovan, sum skal hava eftirlit við, at ásetingarnar í kunngerðini verða hildnar.

Sølan av Magn

Oljufelagið Magn er endað í einum íslendskum maktkampi um ræðissrættin á felagnum. Jón Ásgeir Johanneson, sum fólk flest kenna frá Baugur, hevur seinastu 10 árini verið ákærdur fyri eitt og annað, tó er hann blivin fríkendur fyri tað mesta. Nú byrjar hann aftur, hesaferð við at keypa Skeljungur, sum eigur Magn. Og tað er íslendska fyritøkan Skeljungur, sum hevur sett Magn á listan yvir møguligar sølur. Ein meiriluti í Skeljungur, tvs. felagið sum eigur Magn, var nevniliga 5. januar selt til eitt annað íløgufelag, Strengur. Tað er felagið hjá navnframa Jón Asgeir Johannesson, sum stendur aftanfyri yvirtøkuna. Jón Asgeir Johanneson er nú nevndarformaður í Skeljungur, sum sigur seg vilja selja Magn. 

Men hví skal Magn seljast? Tað kann tykjast løgið.  Magn er eitt gullegg, sum hevur havt yvirskot omaná yvirskot í nógv ár. Seinastu tíggju árini hevur Magn havt eitt yvirskot áðrenn skatt á 308 millónir krónur og einki undirskot. Mesta yvirskotið hevði Magn í fjør við 45 mió. kr. áðrenn skatt. Sjálvt í svárastu fíggjarkreppu landsins í 2008 hevði felagið yvirskot. 

Luttakarar: Jens Meinhard Rasmussen, nevndarformaður í Reiðarafelagnum fyri Handilsskip, Helgi Abrahamsen, landsstýrismaður í Umhvørvis- og Vinnumálum, Tórbjørn Jacobsen, borgarstjóri í Runavíkar Kommunu og næstformaður í Kommunufelagnum, Trina Eysturoy, forkvinna í áhugafelagnum Heimafriði og Þórður Snær Júlíusson, blaðstjóri á Stjarninn.

Lagt til rættis: Tróndur Olsen, Heini Gaard og Arnfríð Joensen Dahl
 

Breddin

Sending um aktuel evni, sum verður send týsdag, mikudag, hósdag og fríggjadag klokkan 10:00.
Vit eru ikki samd um grunnleggjandi premissið og tað eyðkennir kjakið um fosturtøku
26-03-2024
Í juni skulu evropearar á val og sjáldsom steinsløg seta Arktis á alheims pallin
22-03-2024
Í sendingini greiðir kvinna frá, at hon trý ár eftir, at hon bað um hjúnaskilnað framvegis er gift og fíggjarliga heft at makanum
21-03-2024
Kjak er í útvarpsstovuni um førda fíggjarpolitikkin og javnstøðu, og so verður hugt at møguleikanum fyri kommunusamanlegging í Suðuroy
19-03-2024
Føroyar fingu í gjár á fyrsta sinni vitjan av toppinum í ES.
15-03-2024
Umleið 1.000 fólk og teirra familjur eru komin til Føroya gjøgnum snarskipanina, síðani hon var sett í verk í november 2021
14-03-2024
220 børn í føroyska fólkaskúlanum hava ikki føroyskt sum móðirmál.
12-03-2024
Í dag er 8. mars, og í sendingini verður ljós varpað á javnstøðuna
08-03-2024
Hava vit vant okkum við kríggið millum Hamas og Ísrael, verður spurt í sendingini. Og amerikanarar sleppa at velja millum Biden og Trump í heyst.
07-03-2024
Fosturtøka er politiskt tabu. Tað er ein niðurstøða í greinasavninum "abort - grundgevingar fyri rættin at velja sjálv". Samrøða við ritstjórarnar og politiskt kjak
05-03-2024
Hvat eru tað fyri virðismikil mineralir í føroysku undirgrundini, og reiðarafelagið fyri handilsskip sóknast eftir tvískattaavtalum
01-03-2024
Hvat er ein public service sáttmáli, og hví skulu vit hava ein?
29-02-2024