Kommunuskatturin á Viðareiði minkaði 1,4 milliónir

bannari
10.01.2021 - 18:26
InnlendisSamfelag
Kommunuskatturin á Viðareiði minkaði 1,4 milliónir
Orsøkin til afturgongdina er gongdin í fiski- og útróðrarvinnuni, sum er hart rakt av korona-kreppuni, metir Marita Sumberg, borgarstjóri
Marita Sumberg, borgarstjóri á Viðareiði

Viðareiðis Kommuna er kommunan í landinum við størstu afturgongdini í inntøku frá kommunuskattinum í fjør. Tað hendir, samstundis sum flestu aðrar kommunur fingu meira inn í kommunuskatti í fjør, sammett við 2019.

Tá avtornaði fekk Viðareiðis Kommuna 13,8 milliónir í persónsskatti í fjør. Tað eru 1,4 milliónir krónur minni enn árið fyri. Minkingin er 9,17 prosent.

2019 var gott hjá kommununi

– Orsøkin til afturgongdina er gongdin í fiski- og útróðrarvinnuni, sum er hart rakt av korona-kreppuni, metir Marita Sumberg, borgarstjóri á Viðareiði.

2019 var eitt gott ár fyri til inntøku hjá fólk á Viðareiði - og tað sást eisini aftur í kommunukassanum, sum fekk 15,2 milliónir í kommunuskatti. 

– Kommunan er somikið væl fyri, at hon klárar væl eina afturgongd sum í fjør, tá inntøkurnar minkaðu við 1,4 milliónir, sigur Marita Sumberg.

Lagt er upp fyri lægri skattainntøkum

Í fíggjarætlanini fyri 2021, sum undanfarna bygdaráð samtykti í november í fjør, er eisini lagt upp fyri lægri skattainntøkum í ár, sammett við góða árið 2019.

1. november búðu 349 fólk á Viðareiði. Kommunuskattaprosentið hevur síðstu árini verið 20,5 - og barnafrádrátturin 7.500 krónur.

Hóast inntøkurnar minka, so eru fyribils ongar ítøkiligar ætlanir um at repa seglini á Viðareiði, sigur Marita Sumberg, sum tók við sum borgarstjóri á nýggjárinum.

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584