Dexter Gordon var tveir metrar høgur

20.11.2020 - 21:17
MentanTónleikur
Dexter Gordon var tveir metrar høgur
Kristian Blak greiðir frá, tá ið Havnar Jazzfelag fekk heimsgitna saxofonistin til Føroya. Komin á gátt hjá Kristiani sló hann høvdið í loftið.
Kristian Blak heima í stovuni á Reyni. Í hondini hevur hann tvær plátur eftir Dexter Gordon
Mynd: Leivur Thomsen  

Tak niður

Havnar Jazzfelag fyllir í hesum døgum 45 ár. Felagið varð stovnað í 1975, og longu tvey ár seinni í 1977 kundi felagið presentera eina heimsstjørnu á palli í auluni í Kommunuskúlanum í Havn, nevniliga hin navnframa Dexter Gordon. Vikuskiftissendingin var á gátt hjá Kristiani Blak, sum var við til at stovna Havnar Jazzfelag. Kristian greiðir frá, um tá ið Dexter Gordon kom til Føroya við bólki. Kenny Drew klaver, Jesper Lundgaard bass, Aage Tanggaard trummur og Dexter Gordon saxofon. Teir komu á gátt hjá Kristiani á Reyni. Heima hjá honum var vítt til veggja, men synd er at siga, at høgt var til loftið í gomlu føroysku húsunum. Tað kundi tveir metra høga saxofonstjørnan sanna, tá hann smekkaði høvdið upp undir loftið fleiri ferðir. Hoyr samrøðuna við Kristian Blak. Sum nakað forkunnugt kann Vikuskiftissendingin spæla upptøkur frá konsertini. Hesar hava vit fingið frá Kristiani Blak, sum hevur fingið tær frá Brandi Øssursson. Upptøkurnar gjørdi Carsten Arnskov í 1977 fyri Útvarp Føroya. Sending varð gjørd um konsertina. Vit hoyra eisini ein ungan Sonne Smith annonsera og hugleiða um jazz sum heild. Rætting: Sagt verður í samrøðuni, at konsertin var 23. mei 1977. Tað er ikki rætt, hon var 25. mars, sum Sonne Smith eisini vísir á í innganginum.

 
 
Nýggjastu sendingar í ÚV
Hósdag 26. november
Breddin
116818
Hósdag 26. november
Óhoyrt
116805
Hósdag 26. november
At njóta og nýta
116798
Hósdag 26. november
Góðan morgun Føroyar
116789
Nýggjastu sendingar í SV
Hósdag 26. november
Vit herja á! 2:3
116827
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620