- Tíðindi, mentan og ítróttur
Góðan morgun Føroyar
Í nógv ár hevur verið ynski um eitt nýtt orgul í Hvannasunds kirkju. Tað gamla orglið fylti ikki nóg nógv í kirkjuni, tá nógv fólk er í kirkju.
Ein av stigtakarinum er Jógvan Josias á Hædd. Hann greiðir frá, at tilgongdin til nýggja orglið byrjaði longu í 2009, tá tey settu seg í samband við Frobenius & Sønner, orgulbyggjarar. Eitt ynski um eitt kirkjuhús kom stutt eftir, og tí var tað ov nógv at hava tvær verkætlanir koyrandi í senn. Tá kirkjuhúsið varð liðugt í 2016, fóru tey undir aftur at fáa eitt nýtt orgul til kirkjuna.
Gudmund Mortensen, organistur, var í Hvannasundi og góðkenti nýggja orglið:
- Hetta er eitt gott orgul, tey hava fingið í Hvannasundi. Eitt stórt orgul til eina lítla kirkju, har uppsetingin er góð og riggar væl.
Tað tekur áleið 2400 arbeiðstímar at byggja orglið.
Morgunsendingin var við, tá nýggja orglið skuldi góðkennast.