EM byrjar

bannari
10.06.2016 - 10:23
ÍtrótturFótbóltur
EM byrjar
Upptakt til EM endaspælið í fótbólti, sum byrjar í Fraklandi í kvøld

Tak niður

Drúgv forsending í útvarpinum um EM-endaspælið í fótbólti. Farið verður ígjøgnum allar bólkarnar, og øll 24 liðini, sum eru við, í Fraklandi. Serfrøðingarnir við borðið eru Jóannes Jakobsen, Sigfríður Clementsen og Eli Hentze.

Sendingin er eisini afturlítandi. Øll EM-søgan verður lýst frá 1960 til dagin í dag. Venjarar meta eisini um EM-finaludystir í 70-unum.

Føroyskur vinkul

Sum eitt síðuspor til EM-søguna fær føroyskur fótbóltur eisini rúma viðgerð. Vit lýsa gongdina og menningina í føroyskum fótbólti í einum aktuellum EM-samanhangi heilt frá 60-árunum og frameftir bæði við eldri og nýggjum upptøkum.

Vit hoyra millum annað Jóhan Nielsen, Baldvin Baldvinsson, John Sigurð Joensen, Hera Nolsøe, Hanneman Múller, Jógvan Norðbúð, Suna Jacobsen, Ronny Gunnarsson, Petur Hammer, Ernst Dalsgarð o.a. greiða frá um 60- og 70-árini.

Í samband við EM-kappingarnar seinastu fjórðingsøldina verður nágreiniliga sagt frá føroysku avrikunum í EM-undankappingunum.

Vit skifta eisini orð við aðalskrivaran í FSF um EM-aktuel viðurskifti. Virgar Hvidbro, aðalskrivari, greiðir millum annað frá, at ein nýggj kapping millum evropeiskar smátjóðir fer kanska at lata hurðarnar upp fyri føroyskari luttøku í komandi endaspølum.

Slakir seks tímar

Í sendingini verður EM-pulsurin eisini tikin úti millum fólk. Sendingin øll varir í slakar seks tímar. Suni Merkistein og Kári Annand Berg løgdu til rættis.

 

 
Er kopiera
Nýggjastu sendingar í ÚV
Fríggjadag 23. apríl
Morgunlesturin fríggjamorgunin 23. apríl 2021
123017
Hósdag 22. apríl
RagnarRokk 22.apríl "Jorn Lande"
122921
Hósdag 22. apríl
BREDDIN
123177
Hósdag 22. apríl
Nón 22. apríl 2021
123174
Hósdag 22. apríl
Mono: Sangleikir (1:5)
123165
Nýggjastu sendingar í SV
Mánadag 19. apríl
3-2
123045
Sunnudag 18. apríl
Andakt við Beintu Áargarð
122973