Sverri nøgdur við silvurið

Sverri nøgdur við silvurið
Tað eydnaðist ikki Sverra Sandberg Nielsen at verja og vinna EM-heitið í einskullara í Varese. Men miðvingurin er væl nøgdur við silvurið
12.04.2021 - 18:55

Sverri Sandberg Nielsen endaði á øðrum plássið í royndini at verja evropameistaraheitið, sum hann vann í oktober í fjør.

Tað varð Oliver Zeidler úr Týsklandi, sum fór við gullinum. Kortini var miðvingurin væl nøgdur.

Sum so haldi eg, at tað var, so gott sum tað kundi verið í gjár. Eg skuldi kanska havt koyrt eitt sindur harðari á á teimum mittastu 1000 metrunum, sigur Sverri Sandberg Nielsen.

Miðróðurin var ikki eins góður, og miðvingurin ætlaði, men seinasta fjórðingin av 2000 metra teininum setti Sverri Sandberg Nielsen ferð á og róði frá grikkanum, Stefanos Ntouskos, sum hann hevði ligið undir liðini á.

- Tá hugdi eg meir eftir týskaranum - um eg kundi fara framvið honum - men eg byrjaði helst eitt sindur ov seint við tí royndini, sigur 27 ára gamli rógvarin.

Koronusjúkan hevur ikki ávirkað

Síðst í november fekk Sverri Sandberg Nielsen staðfest koronu á venjingarlegu í Portugal. Hann sigur seg einki merkja einki til sjúkuna nú og hevur ongar eftirfylgir.

Men eg misti næstan tríggjar vikur av venjing, og tað er sjálvandi ikki ynskiligt, sigur Sverri Sandberg Nielsen, sum nú venur fram ímóti World Rowing Cup II, sum verður í mai.

Eftir tað bíðar størsta málið, Olympisku Leikirnir í Tokio.

 
Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585