H71 avgjørdi við brotskasti í seinastu løtu

22.02.2021 - 12:25
ÍtrótturHondbóltur
H71 avgjørdi við brotskasti í seinastu løtu
Longd leiktíð skuldi til, áðrenn steypavinnarin hjá monnum var funnin. Eitt brotskast í seinasta minutti avgjørdi finaluna ímillum H71 og Neistan

Tak niður

Djóni Gaard Joensen skeyt gullið til Hoyvíkar, tá hann við brotskastið í seinastu løtu avgjørdi steypafinaluna við monnum millum H71 og Neistan.

Tá var dysturin farin út í umdyst - tvær ferðir fimm minuttir - og ilt var at taka dagar ímillum liðini. 

Stórur munur tó fyrstu løtuna. Neistin fekk ikki mál, og hoyvíkingar hóttu við at strúka avstað. Eina løtu var støðan 5-1 til H71, men Neistin fekk skjótt glið á spælið aftur. 

Tað, ið eftir var av dystinum, leikti javnt á. Verjurnar vóru stinnar, og málverjarnir stóðu væl. Serliga var maðurin í neistamálinum, Bence Gödor, fleiri ferðir avgerandi. 

Vanliga leiktíðin endaði 22-22, og tíggju minuttir seinni var 25-25. Tíggju sekund vóru eftir at spæla, tá H71 fekk brotskast, og Djóni Gaard Joensen ivaðist ikki, tók ábyrgdina á seg og fekk leiklutin sum steypahetja afturfyri.

H71 - Neistin 26-25 (13-11)

 
 
Nýggjastu sendingar í ÚV
Mánadag 1. mars
Morgunlestur mánadagur 1. mars 2021
120730
Sunnudag 28. februar
Nólsoyar Páll á Biskupsstøð (4:4)
120144
Sunnudag 28. februar
Guðstænasta úr Christianskirkjuni.
120903
Leygardag 27. februar
Frá fyrsta Smirli til í dag - 5. sending
120880
Nýggjastu sendingar í SV
Sunnudag 28. februar
TeenStreet lovsangur 5:5
120907
Sunnudag 28. februar
Andaktin
120906
Sunnudag 28. februar
Guðstænasta úr Christianskirkjuni.
120902
Leygardag 27. februar
Flogbóltur: ÍF - Mjølnir
120899
Leygardag 27. februar
Flogbóltur: Dráttur - SÍ
120898