- Tíðindi, mentan og ítróttur
Málteigurin
Tað er vorðið vanligt, at ein krani við kókandi heitum vatni er í køkinum í dag.
Ein tílíkur verður kallaður "cooker" á enskum, og tað kemst fyrst og fremst av enska merkinum, Quooker. Fleiri og fleiri siga kukkari á føroyskum, men tað er stak óheppið, heldur Elin Henriksen, málkøn.
- Orðið, kókikrani, er eitt gott boð, so lat okkum síggja, um fólk taka tað til sín, sigur hon.
Sama støða er við enska orðinum 'to book', sum á føroyskum ofta verður kallað bukka. Men at bukka á føroyskum merkir nakað heilt annað, og har er eitt annað orð.
- Tað er púra vanligt at brúka at bóka á føroyskum, og tað er ikki nýtt, sigur Elin Henriksen.
Umsiting ella fyrisiting
Eitt annað evni í sendingini er munurin á orðunum, fyrisiting og umsiting, eins og lurtari spyr, um tað ber til at siga settur, tá ein hevur fingið nóg mikið at drekka, eins og ein sigur mettur, tá ein hevur fingið nóg mikið at eta.