- Tíðindi, mentan og ítróttur
Eldur í húsum á Velbastað
Eldur í húsum á Velbastað
Í morgun kyknaði eldur í einum sethúsum á Velbastað. Tvey fólk vórðu flutt á landssjúkrahúsið til kanningar fyri roykeitran.
31.07.2021 - 10:14
Eldur kyknaði í einum húsum á Velsbastað í morgun.
Løgreglan fekk fráboðan um seks tíðina í morgun.
Fólk vóru inni og royndu at sløkkja, men eldur var í millum skins og hold og var tí ringur at basa.
Sambært vakthavandi á politistøðini er nógvur materiellur skaði á húsunum og tvey fólk eru flutt á landssjúkrahúsið til kanningar fyri roykeitran.
Tað er ikki heilt greitt hvussu eldurin kyknaði, men okkurt bendir á, at tað er í samand við eitt útiumhvørvi við potti og sauna.
Eldurin er kyknaður uttanfyri og hevur breitt seg upp eftir húsavegginum og upp í tak-konstruktiónina.
Eldurin er nú sløktur, men enn stendur brandvakt við húsini at tryggja sær, at eldurin ikki kyknar aftur.
Nýggjastu sendingar í ÚV
Nýggjastu sendingar í SV