Fólk í Evropa keypa aftur bilar

21.07.2021 - 09:50
AktueltÚtheimurin
Fólk í Evropa keypa aftur bilar
Gongd er komin í aftur bilasøluna í Evropa, og størsta vøkstur er í søluni av Hyundai- og Kia-bilum
Mynd: Savnsmynd  
 

2020 var ikki eitt gott ár fyri bilverksmiðjurnar, men higartil í 2021 sær út til, at gongd er við at koma á evropeisku bilasøluna aftur. Enn er bilasølan tó ikki komin upp á somu tøl sum áðrenn koronu í 2019.

Sambært tølum hjá ACEA, sum umboðar bilframleiðarar, vórðu 6,5 milliónir bilar seldir í Evropa fyrra hálvár í ár. Í 2019 vórðu 8 milliónir bilar seldir.

Størsta vøksturin í ár hevur Hyundai Group, sum umframt Hyundai eisini selir Kia. Teirra framgongd fyrra hálvár í ár í mun til fyrra hálvár í fjør var 40,1 prosent. Toyota hevði eina framgongd upp á 37,1 prosent, og Stellantis, sum umboðar sløgini Peugeot, Citroen, Fiat, Opel og Alfa Romeo, hevði eina framgongd upp á 32,1 prosent.

Minstu framgongd av teimum stóru bilasløgunum hevði Renault Group, sum umboðar Renault, Dacia og Lada. Framgongdin hjá teimum var 7 prosent.

Volkswagen Group eigur framvegis nógv tann størsta marknaðarpartin á evropeiska bilamarknaðinum, 26,2 prosent. Teimum á baki koma Stellantis við 21,3 prosentum og Renault Group við 8,7 prosentum.

Er kopiera
Nýggjastu sendingar í ÚV
Mikudag 28. juli
Morgunlestur mikudagur 28. juli 2021
126394
Týsdag 27. juli
Málbroytingar í føroyskum
126166
Týsdag 27. juli
Morgunlestur týsdagur 27. juli 2021
126393
Nýggjastu sendingar í SV
Mikudag 28. juli
Video: 10mf, ólavsøka 2021
126990
Mikudag 28. juli
Video: 6mf masters, ólavsøka 2021
126988
Mikudag 28. juli
Video: 8mf, ólavsøka 2021
126986
Mikudag 28. juli
Video: 5mf dreingir, ólavsøka 2021
126984
Mikudag 28. juli
Video: 6mf menn, ólavsøka 2021
126983