Danmark: Barnakonur kunnu koppsetast

21.07.2021 - 14:55
AktueltHeilsa
Danmark: Barnakonur kunnu koppsetast
Landslæknin sigur, at tað er ikki óhugsandi, at føroyskar barnakonur í næstum eisini kunnu verða koppsettar fyri Covid-19.
 

Danska Heilsustýrið mælir nú til, at barnakonur og kvinnur, sum geva bróst, eisini verða koppsettar fyri Covid-19.

Og tað er ikki óhugsandi, at føroyskar barnakonur í næstum eisini kunnu verða koppsettar fyri Covid-19.

Lars Fodgaard Møller, landslækni, sigur við Kringvarpið, at fráboðanin frá danska Heilsustýrinum ikki kom óvart á tey í koppsetingarbólkinum. 

Tað hevur eisini verið til umrøðu í føroyska koppsetingarbólkinum áður, og fer uttan iva eisini at verða tikið upp á næsta fundi, sum verður týsdagin í næstu viku, sigur Lars Fodgaard Møller.

Hann vil tó ikki siga longu nú, um bólkurin fer at mæla til, at føroyskar barnakonur eisini kunnu verða koppsettar. 

Landsstýrismaðurin eigur avgerðina
Lars Fodgaard Møller vísir eisini á, at koppsetingarbólkurin er vegleiðandi hjá landsstýrismanninum við heilsumálum, og at tað tí í síðsta enda er upp til landsstýrismannin at broyta hesa regluna. Tað sama ger seg galdandi í til dømis spurninginum um at koppseta børn millum 12 og 15 ár, har endaliga avgerðin liggur hjá landsstýrismanninum.

Tað hevur verið óvist, um koppingarevnið er gott fyri barnakonur, og Pfizer hevur ikki kannað møgulig árin tað kann hava á barnakonur og ófødda barnið. 

Men nú metir danska Heilsustýrið út frá royndum og tølum í øðrum londum, at tað er trygt at koppseta barnakonur og kvinnur, sum geva bróst.

Er kopiera
Nýggjastu sendingar í ÚV
Mikudag 28. juli
Morgunlestur mikudagur 28. juli 2021
126394
Týsdag 27. juli
Málbroytingar í føroyskum
126166
Týsdag 27. juli
Morgunlestur týsdagur 27. juli 2021
126393
Nýggjastu sendingar í SV
Mikudag 28. juli
Video: 6mf masters, ólavsøka 2021
126988
Mikudag 28. juli
Video: 8mf, ólavsøka 2021
126986
Mikudag 28. juli
Video: 5mf dreingir, ólavsøka 2021
126984
Mikudag 28. juli
Video: 6mf menn, ólavsøka 2021
126983
Mikudag 28. juli
Video: 6mf kvinnur, ólavsøka 2021
126981