Nýggi venjarin skal royna seg fyri fyrstu ferð

10.06.2021 - 09:12
ÍtrótturFótbóltur
Nýggi venjarin skal royna seg fyri fyrstu ferð
Baltic Cup: Lene Terp stendur á odda fyri sínum fyrstu dystum, tá Føroyar spæla venjingarkapping í Litava næstu dagarnar. Í dag er mótstøðan Estland
Lene Terp og føroysku spælararnir venja í góða veðrinum í Litava
Mynd: Bjarni Enghamar/FSF  
 

Lene Terp varð sett sum nýggjur landsliðsvenjari í vetur, og nú skal hon standa á odda fyri landsliðnum í altjóða dysti fyri fyrstu ferð. 

Í dag spælir Føroyar fyrsta dystin í venjingarkappingini, Baltic Cup, ímóti Estlandi. Hini liðini í kappingini eru vertslandið, Litava, og Lettland. Spældar verða hálvfinalur og so finalur og dystur um triðja plássið.

Føroyski liðskiparin, Ásla Johannesen, gleðir seg til fyrsta dystin undir nýggja venjaranum.

 - Vit hava havt nakrar góðar venjingar, og vit hava nógv at tosa um, tí vit enn eru í eini integrerandi fasu saman við venjaratoyminum. Eg haldi, at tað gongur væl við tí, og vit kenna okkum væl fyrireikaðar til dystin, sigur Ásla Johannesen við heimasíðuna hjá fótbóltssambandinum, fsf.fo.

Kappingin er liður í fyrireikingini til HM-undankappingina, sum byrjar um miðjan september við heimadysti ímóti Spania.

 - Tað er umráðandi hjá okkum at brúka hesa dystarvenjingina til at fáa okkara spæl og avtalur at sita so væl sum gjørligt áðrenn undankappingina í heyst. Vit gleða okkum ótrúliga nógv til at spæla hesar dystirnar og fara sjálvandi eftir at vinna, sigur føroyski liðskiparin.

Hetta er ikki fyrstu ferð Føroyar taka lut í Baltic Cup og heldur ikki fyrstu ferð, at Føroyar spæla ímóti Estlandi.

Tríggjar ferðir hava londini spælt. Rannvá B. Andreasen tryggjaði Føroyum javnleikin í sínum síðsta landsdysti í fjør. Hon skeyt eisini annað málið í 2016, tá Milja Simonsen eisini skoraði í 2-2 javnleiki. Triðji dysturin varð spældur afturi í 2007. Tá skoraði Jacoba Langgaard í 2-1 sigri. Hitt málið var sjálvmál.

Dysturin móti Estlandi byrjar klokkan 14.00 og kann síggjast her. 

Er kopiera
Nýggjastu sendingar í ÚV
Mikudag 23. juni
Morgunlestur mikudagur 23. juni 2021
125807
Týsdag 22. juni
Nón 22. juni 2021
125785
Týsdag 22. juni
Morgunlestur týsdagur 22. juni 2021
125460
Nýggjastu sendingar í SV
Mánadag 21. juni
3-2
125752
Leygardag 19. juni
Video: 5mf gentur, sundalagsstevna 2021
125674
Leygardag 19. juni
Video: 10mf, sundalagsstevna 2021
125671
Leygardag 19. juni
Video: 8mf, sundalagsstevna 2021
125670
Leygardag 19. juni
Video: 5mf dreingir, sundalagsstevna 2021
125669