Málið um skottilburð í Miðvági fyri rættin

03.05.2021 - 15:46
AktueltSamfelag
Málið um skottilburð í Miðvági fyri rættin
Maðurin, sum skeyt eftir løgregluni, er ákærdur fyri drápsroynd
Ákærdi maðurin sigur seg einki minnast til hendingina í Miðvági 9. desember í 2019
 

Um tvær vikur byrjar rættarmálið móti einum manni, sum skeyt eftir løgregluni í Miðvági 9. desember í 2019.

Maðurin er ákærdur fyri drápsroynd.

Ein løgreglumaður varð raktur, og maðurin varð eisini sjálvur raktur av skotum frá løgregluni, segði Steen Nørskov, chef-politiinspektørur, við útvarpið dagin eftir skottilburðin.

Løgreglumaðurin varð røktur í høvdið av skotinum, men hann var í hjálmi og fekk ikki stórvegis skaða.

Maðurin, sum skeyt, mátti flytast niður á Ríkissjúkrahúsið at fáa viðgerð fyri skotløstirnar. Hann varð raktur av trimum skotum.

Verið í varðhaldi

Maðurin, sum er í 30-unum, hevur sitið í varðhaldi síðani.

Statsadvokaturin kannaði løgreglumannin, sum skeyt. Men í mai í fjør avgjørdi statsadvokaturin í Keypmannahavn av at gevast við kanningini, tí niðurstøðan var, at løgreglumaðurin skeyt í sjálvverju, ella fyri at verja starvsfelagar.

Málið byrjar í Føroya rætti 17. mai, og fimm dagar eru settir av til málið.

Ákærdi maðurin sigur seg einki minnast til hendingina tann 9. desember í 2019.
 

Er kopiera

Sí eisini

Nýggjastu sendingar í ÚV
Sunnudag 16. mai
Meg minnist
124290
Sunnudag 16. mai
Guðstænasta úr Hósvíkar kirkju.
124282
Sunnudag 16. mai
Helena Samuelsen er gestur í Brunsj
124277
Leygardag 15. mai
Jambalaja 150521
124271
Nýggjastu sendingar í SV
Sunnudag 16. mai
Andakt við Dan Eliassen
124288
Sunnudag 16. mai
Guðstænasta úr Hósvíkar kirkju
124285
Hósdag 13. mai
Guðstænasta úr Vesturkirkjuni
124199