Atlantsflog stórt hall í fjør

Atlantsflog stórt hall í fjør
Inntøkurnar minkaðu niður í helvt, og hallið í fjør var 128 milliónir kr. fyri skatt. Roknað verður eisini við halli í ár
Niels Mortensen heldur fram sum nevndarformaður í Atlantsflogi
 
23.04.2021 - 16:04

Atlantic Airways hevði 128 milliónir krónur í halli fyri skatt í 2020. Hallið eftir skatt er 104,6 milliónir krónur. Hesum boðar Atlantic Airways frá í tíðindaskrivi seinnapartin.

Afturgongdin er stór samanborið við 2019, tá føroyska flogfelagið hevði 7,8 milliónir krónur í avlopi eftir skatt. Orsøkin til stóru afturgongdina er sum vera man koronu-farsóttin, sum hevur rakt alla heimsins flogvinnu hart.

Inntøkurnar niður í helvt

Inntøkurnar hjá Atlantic Airways minkaðu niður í helvt - úr 574,3 mió. krónum í 2019 niður í 289,6 mió. krónur í 2020. Lækkingin var 285 mió. krónur.

Atlantic Airways sigur í tíðindaskrivinum, at tá koronafarsóttin rakti í fjørvár, tók felagið beinanvegin stig til at minka um rakstrarútreiðslurnar. Flestøll starvsfólk vórðu send í serskipanina hjá ALS, og tíverri varð eisini neyðugt at siga umleið 100 fólkum úr starvi.

Eisini hall í ár

Í desember fekk Atlantic Airways 100 milliónir krónur í kapitalhækking frá landsstýrinum. Atlantic Airways væntar eisini eitt hall fyri árið í ár, men ikki so stórt sum fyri 2020. 

Niels Mortensen heldur fram sum nevndarformaður og Kaj Johannessen sum næstformaður. Nývald í nevndini er Annika Larsen Black, sum kemur í nevndina í staðin fyri Gunn Ellefsen. Hinir nevndarlimirnir eru Esther Dahl, Andrass Weihe og Jens Eystein í Løðu.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585