- Tíðindi, mentan og ítróttur
Smittutølini í India ovurstór
Smittutølini í India ovurstór
Bara seinasta samdøgrið eru 315.000 fólk í landinum smittað við koronu
Mynd: Savnsmynd (AP)
22.04.2021 - 06:37
Í India ger koronafarsóttin um seg av álvara, og í gjár kunngjørdu myndugleikarnir, at 315.000 fólk vórðu smittað seinasta samdøgrið. Tað er tað mesta, sum nakað land hevur kunngjørt, skrivar Reuters.
Tað mesta, sum fyrr er skrásett, var í januar, tá myndugleikarnir í USA kunngjørdu, at 297.000 fólk vórðu smittað í eitt samdøgur. Í India eru nú 15,9 milliónir fólk skrásett at verða smittað við koronu.
Samstundis upplýsa myndugleikarnir, at 2.100 fólk eru deyð av koronu seinasta samdøgrið, sum eisini er met. Higartil eru 185.000 fólk í India deyð av koronu.
Nýggjastu sendingar í ÚV
Nýggjastu sendingar í SV