Føroyar biðið um atlimaskap í WHO

Føroyar biðið um atlimaskap í WHO
Jenis av Rana, landsstýrismaður, hevur lagt fram frágreiðing um úrvald uttanríkismál
Umsókn um atlimaskap í WHO verður væntandi samtykt á aðalfundinum í ár, sigur landsstýrismaðurin í uttanríkismálum
 
21.04.2021 - 11:47

Føroyar hava biðið um atlimaskap í heimsheilsustovninum, WHO. Umsóknin verður viðgjørd á aðalfundinum í WHO í ár, og alt bendir á, at hon verður samtykt,

Tað upplýsti Jenis av Rana, landsstýrismaður í uttanríkismálum, tá hann legði frágreiðingina um úrvald uttanríkispolitisk mál fyri tingið fyrrapartin.

Føroyskur atlimaskapur í WHO fer at gera tað lættari at fáa beinleiðis kunning um áleikandi mál og farsóttir, og at gera okkara støðu sjónligari í millumtjóða heilsusamtarvi.

Eisini fáa vit møguleika at vísa á úrslit og gransking í heilsumálum, segði Jenis av Rana.

Covid-19, sum hevur herjað seinasta árið, er eitt dømi um, hvussu týðandi samstarv millum lond er, segði hann.

Arktis

Alt, sum fyriferst og snýr seg um føroysk øki og grannalag okkara í Norðuratlantshavi og Arktis, eigur landsstýrið ikki bara at verða kunnað um, men eisini verða partur av. 

Sum land í Arktis og Atlanthavi, nú heimsins eygu venda sær móti okkum, er umráðandi, at Føroyar eru tilvitaðar um sína egnu støðu mótvegis umheiminum, segði Jenis av Rana.

Aðalorðaskifti um frágreiðingina frá landsstýrismanninum í uttanríkismálum verður mánadagin. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858