81 prosent í elsta aldursbólki fingið fyrra prikið

bannari
81 prosent í elsta aldursbólki fingið fyrra prikið
Landsstýrismaðurin í heilsumálum sigur, at bíleggingarskipanin er trygg, og hon verður ikki grundleggjandi broytt
Kaj Leo Holm Johannesen, landsstýrismaður í heilsumálum, hevur svarað Beintu Løwe, tingkvinnu, um koppsetingina fyri koronu
 
21.04.2021 - 08:55

Yvir 80 prosent av fólkinum í Føroyum, sum eru 85 ár ella eldri, hava fingið fyrru koppsetingina fyri koronu.

Sambært svari hjá Kaj Leo Holm Johannesen, landsstýrismanni, hava 81 prosent av teimum 1.227 fólkunum, sum eru í aldursbólkinum, fingið fyrru koppsetingina.

Landsstýrismaðurin svarað spurningi

Kaj Leo Holm Johannesen hevur svarað spurningi frá Beintu Løwe, løgtingskvinnu, sum spurdi um bíleggingarskipanina í sambandi við koppsetingina. Í aldursbólkinum 80 til 84 eru 1.147 fólk. 78 prosent teirra hava fingið fyrru koppsetingina.

79 prosent í aldursbólkinum 75 til 79 ár hava fingið fyrra prikið, og 68 prosent í bólkinum 70 til 74 ár. Longu nú eru 18 prosent í aldursbólkinum 65 til 69 ár koppsett fyrru ferð. 

Sambært landsstýrismanninum er bíleggingarskipanin trygg, og hon verður ikki grundleggjandi broytt.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652