Inuit Ataqatigiit og Naleraq skipa samgongu

Inuit Ataqatigiit og Naleraq skipa samgongu
Nýggja samgongan í Grønlandi er skipað við tveimum flokkum, Inuit Ataqatigiit og Naleraq, og Atassut verður stuðulsflokkur
Mute B. Egede og Hans Enoksen á tíðindafundinum í gjár
Mynd: knr.gl  
 
17.04.2021 - 09:37

Nýggja samgongan varð kunngjørd á hátíðarhaldi í mentanarhúsinum, Katuaq, í gjár, har nýggi landsstýrisformaðurin legði fram samgonguskjalið.

Yvirskriftin fyri samgonguna er samhugi, støðufesti og vøkstur. Nøkur av málunum hjá samgonuni er bann fyri útvinna uran og null heimleys.

Flokkarnir samdir um kvotur

IA og Naleraq vilja steðga verkætlanini at fáa hendur á stórum nøgdunum av sjálsomum ráevnum við Kvanefjallið. Samgongan fer at arbeiða fyri at fáa lóggávu, sum bannar útvinning av mineralum, sum hava geislavirki tilfar.

Skattanýskipan verður framd, og her verður serliga hugsað um arbeiðarar, familjur við miðalinntøku, pensjónistar og umstøðurnar hjá einligum foreldrum. Í 2035 skulu eingi heimleys vera í Grønlandi, og fleiri almennar íbúðir skulu byggjast.

Flokkarnir eru eisini samdir um, at grønlendskir fiskimenn skulu fiska tær kvotur, sum skip úr ES í dag fiska.

Hava mist borgarar

Hans Enoksen, sum er formaður í hinum samgonguflokkinum, Naleraq, sigur, at gjógvin millum rík og fátæk er vorðin ov stór.

Vit hava tíverri mist nakrar borgarar undir menningini. Vælstandurin er skalaður. Gjógvin millum rík og fátæk er vorðin størri og størri, og tað hevur elvt til stórar trupulleikar, segði hann.

Ikki bara tey múgvandi skulu stýra landinum. Tey, sum hava verið við til at menna Grønland, veiðifólkini, fiskimenn, arbeiðsfólk og seyðabøndur, skulu eisini takast við í okkara arbeiði. Og øll, sama um tey eru arbeiðsleys ella heimsleys skulu fáa virðiliga viðferð, segði Hans Enoksen í talu á hátíðarhaldinum í Katuaq í gjár, tá nýggja samgongan varð kunngjørd.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584