100 milliónir fólk koppsett í India

100 milliónir fólk koppsett í India
Landið stríðist við aðru koronubylgjuna, samstundis sum ferð er komin á koppsetingina
Fólk í New Delhi, ið skulu koppsetast fyri koronu, standa í bíðirøð annan páskadag, 5. apríl
Mynd: AP  
 
11.04.2021 - 14:34

Einki annað land í heiminum hevur borið so skjótt at, at koppseta 100 milliónir fólk, siga heilsumyndugleikarnir í India sambært BBC News.

Tað tók India 85 dagar at koppseta 100 milliónir fólk, ímeðan tað tók USA 89 dagar og Kina 102 dagar, sigur indiska stjórnin.

Fáa ikki nóg mikið av koppingarevni

Samstundis sum 100 milliónir fólk eru koppsett í India, stríðist landið við aðru koronubylgjuna.

Seinasta samdøgrið eru meira enn 150.000 nýggir smittutilburðir staðfestir og meira enn 800 fólk í landinum eru deyð við smittuni.

Sambært frágreiðingum, so stendur í løtuni á hjá landinum at fáa nóg mikið av koppingarevni, hóast stjórnin sigur seg hava nóg mikið.

250 milliónir koppsett í juli

Málið hjá India er at hava kopsett 250 milliónir fólk í juli, men serfrøðingar siga, at so má enn meira ferð setast á koppsetingina hjá landinum.

Øll, sum eru eldri enn 45, og sum arbeiða í heilsugeiranum, kunnu nú koppsetast. Higartil eru tað fyri tað mesta fólk, sum eru eldri enn 60 ár, ið eru koppsett.

Síðani koronufarsóttin tók seg upp, eru meira enn 12 milliónir tilburðir staðfestir í India og meira enn 167.000 fólk í landinum eru deyð við koronusmittuni.

Tað er bara í USA og Brasil, at fleiri fólk eru smittað enn í India.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584