- Tíðindi, mentan og ítróttur
Kunnu velja annað koppingarevni enn AstraZeneca
Kunnu velja annað koppingarevni enn AstraZeneca
Koppsetingarbólkurin í Bretlandi mælir til, at tá tað ber til, skulu bretar undir 30 ár sleppa at velja sær annað koppingarevnið enn AstraZeneca
08.04.2021 - 12:10
- Tað er fyri at vísa varsemi, ikki tí vit eru stúrin um trygdina í samband við koppingarevnið frá AstraZeneca. Tað sigur Wei Shen Lim, formaður í bretska koppsetingarbólkinum.
Evropeiski heilivágsstovnurin - EMA - hevur møguliga funnið ein samband millum koppingarevnið frá AstraZeneca og blóðtøppar hjá fólki við ov fáum blóðplátum. Tað kom fram á tíðindafundi í gjár.
EMA metir tí, at blóðtøpparnir skulu upplýsast sum sjáldsom hjáárin, tá ið koppsett verður við AstraZeneca, og at heilsustarvsfólk frameftir skulu vera á varðhaldi við hesum fyrstu tvær vikurnar eftir koppseting.
Fleiri enn 40 milliónir borgarar í Evropa hava fingið í minsta lagi eitt prik av AstraZeneca, sambært miðlinum Politico.
Nýggjastu sendingar í ÚV
Nýggjastu sendingar í SV