Myndir frá Perseverance

Myndir frá Perseverance
Rúmdarbilurin Perseverance, ið lendi á Mars, hevur tikið fleiri góðar myndir á gongustjørnuni
 
05.03.2021 - 13:00

Í góðar 14 dagar hevur bilurin Perseverance staðið á gongustjørnini Mars. Bilurin hevur ikki koyrt enn, men tíðin hevur verið brúkt til at tikið myndir og fingið eitt yvirlit yvir økið, har bilurin er lendur. 

Eitt nú skal tólmennisarmurin royndarkoyrast í næstum. Rúmdarbilurin stendur beint við eitt stað, ið nevnist Jezero Crater, har hildið verður, at tað einaferð í fyrndini hevur verið eitt stórt vatn.

Á fylgisveinamyndum sæst, at tað einaferð hevur runnið ein á í vatnið og ein á hevur runnið úr vatninum. Vónin er at finna steinrenningar eftir smáverum, ið einaferð fyri yvir fýra milliardum árum síðani, møguliga livdu á gongustjørnini. 

Her er nakar myndir sum Perseverance hevur tikið á Mars:

Fyrsta farvumyndin ið Perseverance tók á Mars (Mynd: NASA/JPL-CALTECH) 

 

Rúmdarbilurin er stappaður við vísindatólum, sum skulu kanna umhvørvið, jarðfrøðina, lofthavið o.a. á Mars. Hetta myndatólið tekur myndir av umstøðunum rundan um eitt av hjólunum frammanfyri. (Mynd: NASA/JPL-CALTECH)

 

Mynd av takinum á Perseverance. Høgrumegin sæst PIXL tólmennisarmurin, har vísindatólini eru, sum skulu brúkast til at kanna gongustjørnuna. (Mynd: NASA/JPL-CALTECH)

 

Ein vindbardur steinur, ið hevur fingið navnið Kópurin. (Mynd: NASA/JPL-CALTECH)

 

Tromin á Jezero gosholinum ið er fleiri kilometrar burturi. (Mynd: NASA/JPL-CALTECH)

 

Soleiðis hevði tað sæð út, um tú sat í rúmdarbilinum og hugdi út gjøgnum ein rút. Henda myndin hevur røttu litsamansetingina til menniskjaeygað (Mynd: NASA/JPL-CALTECH)

 

Her sæst økið í Jezero, sum verður mett at tað einaferð var eitt vatn. (Mynd: NASA/JPL-CALTECH)

 

Jezero gosholið minnir nógv um vatnið Salda (tv) í Turkalandið. Møguliga hevur tað sæð eins út á Mars fyri yvir 4 milliardum árum síðani. (Mynd: NASA/JPL-CALTECH)

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585