Samband aftur millum partarnar

22.02.2021 - 11:24
AktueltSamfelag
Samband aftur millum partarnar
Sálarfrøðingarnir hava sent nýtt uppskot til Fíggjarmálaráðið
Samráðingarnar millum felagið hjá sálarfrøðingunum og Fíggjarmálaráðið slitnaðu fyrr í hesum mánaðinum, men nú er samband aftur millum partarnar
 

Samband er aftur millum sálarfrøðingarnar og Fíggjarmálaráðið um verkætlanina um ókeypis sálarhjálp, sum skuldi verið farin í gongd í november í fjør. 

Tann 11. februar boðaði Fíggjarmálaráðið annars frá, at samráðingarnar vóru slitnaðar, tí partarnir vóru ov langt frá hvørjum øðrum. 

Annika Helgadóttir Davidsen, forkvinna hjá sálarfrøðingunum segði tá, at hon var ikki heilt greið yvir, hvussu hetta skuldi skiljast.

Kaj Leo Holm Johannsen, landsstýrismaður í heilsumálum, varðar av verkætlanini, og hann segði við útvarpið tann 12. februar, at hann fór ikki at góðtaka, at verkætlanin dettur niðurfyri.

Sálarfrøðingarnir hava síðani sent eitt nýtt uppskot til sáttmála til Fíggjarmálaráðið, upplýsti Annika Helgadóttir Davidsen fyri útvarpinum leygardagin. 

Jan Mortensen, stjóri í lønardeildini, vil ikki gera viðmerkingar til málið, men váttar, at samskifti aftur er millum partarnar.


 

 
Nýggjastu sendingar í ÚV
Mánadag 1. mars
Morgunlestur mánadagur 1. mars 2021
120730
Sunnudag 28. februar
Nólsoyar Páll á Biskupsstøð (4:4)
120144
Sunnudag 28. februar
Guðstænasta úr Christianskirkjuni.
120903
Leygardag 27. februar
Frá fyrsta Smirli til í dag - 5. sending
120880
Nýggjastu sendingar í SV
Sunnudag 28. februar
TeenStreet lovsangur 5:5
120907
Sunnudag 28. februar
Andaktin
120906
Sunnudag 28. februar
Guðstænasta úr Christianskirkjuni.
120902
Leygardag 27. februar
Flogbóltur: ÍF - Mjølnir
120899
Leygardag 27. februar
Flogbóltur: Dráttur - SÍ
120898