Føroyingar og grønlendingar koppsettir í Danmark

bannari
22.02.2021 - 10:55
AktueltHeilsa
Føroyingar og grønlendingar koppsettir í Danmark
Hetta er eisini galdandi fyri føroyingar og grønlendingar, sum eru í sjúkraørindum í Danmark, sigur Magnus Heunicke, heilsumálaráðharri
Føroyingar og grønlendingar, sum eru í fyribilsørindum í Danmark, verða eisini koppsettir ókeypis
Mynd: Sermitsiaq  
 

Føroyingar og grønlendingar, sum eru í Danmark í styttri ella longri tíð, skulu fáa tilboð um at verða koppsettir. Lóggávan skal broytast, so at hetta verður gjørligt, skrivar Sermitsiaq.

Grønlandsnevndin í Fólkatinginum hevur spurt heilsumálaráðharran, um tað verður raðfest millum sjúklingar, hvør fær loyvi at vera koppsettur fyri koronu. Tað var grønlendski fólkatingslimurin, Aaja Chemnitz Larsen, sum spurdi.

Nevndin vildi hava at vita, um allir danskir ríkisborgarar, sum eru innlagdir til viðgerðar, kunnu verða koppsettir ókeypis, sjálvt um teir koma úr Grønlandi ella Føroyum.

Broyting á veg

Magnus Heunicke, heilsumálaráðharri, svarar, at fólk, sum hava bústað í Føroyum ella Grønlandi, og sum eru í Danmark í skúla ella undir útbúgving, hava rætt til at fáa viðgerð á sjúkrahúsi, og sostatt eisini at verða koppsett eins og aðrir borgarar í Danmark.

Men í løtuni er hetta ikki galdandi fyri føroyingar og grønlendingar, sum hava fyribilsørindi í Danmark, til dømis um teir eru í Danmark í sjúkraørindum. Eitt broytingaruppskot er lagt fram, sum skal broyta hetta. Eftir ætlan skal broytingin koma í gildi 1. mars, tað er um eina viku.

Broytingaruppskotið fer at geva ávísum sendifólkum, fólki úr Føroyum og Grønlandi, heimleysum, teimum, sum søkja um friðskjól, eins og útlendingum, sum eru í Danmark uttan lógligt uppihaldsloyvi, rættin til at verða koppsett - ókeypis.

 

Sí eisini

Nýggjastu sendingar í ÚV
Mánadag 1. mars
Morgunlestur mánadagur 1. mars 2021
120730
Sunnudag 28. februar
Nólsoyar Páll á Biskupsstøð (4:4)
120144
Sunnudag 28. februar
Guðstænasta úr Christianskirkjuni.
120903
Leygardag 27. februar
Frá fyrsta Smirli til í dag - 5. sending
120880
Nýggjastu sendingar í SV
Sunnudag 28. februar
TeenStreet lovsangur 5:5
120907
Sunnudag 28. februar
Andaktin
120906
Sunnudag 28. februar
Guðstænasta úr Christianskirkjuni.
120902
Leygardag 27. februar
Flogbóltur: ÍF - Mjølnir
120899
Leygardag 27. februar
Flogbóltur: Dráttur - SÍ
120898