Allir kokkalærlingar fara til Danmarkar

Allir kokkalærlingar fara til Danmarkar
Verða øll fýra skúlaskeiðini tikin í Danmark, kosta tey 10.400 kr. fyri hvønn lærling í ferðaendurgjaldi úr landskassanum
10 kokkalærlingar gjørdu sáttmála í fjør. Allir lærlingar fara til Danmarkar á skúla
 
17.02.2021 - 09:56

Hóast kokkaskúli er í Klaksvík, fara allir kokkalærlingar í Føroyum í skúla í Danmark. Tað staðfestir Jenis av Rana, landsstýrismaður, í svari til Eyðgunn Samuelsen, løgtingskvinnu.

10 lærusáttmálar vórðu gjørdir í fjør. Verða øll fýra skúlaskeiðini tikin í Danmark, kosta tey 10.400 krónur fyri hvønn lærling í ferðaendurgjaldi úr landskassanum.

Skúlaskeiðini eru tilsamans 47 vikur. 30 teirra kunnu takast í Klaksvík.

Fá brúka skúlan í Klaksvík

Men sera fáir lærlingar brúka kokkaskúlan í Klaksvík, sum fekk nýggj høli til matvøruútbúgving í 2016.

Yrkisdepilin fer nú at lýsa, hvørjar avbjóðingar vinnan heldur eru við verandi útbúgving, og um møguligar tillagingar skulu gerast. 

Vísir tað seg, at matvøruútbúgvingin í Tekniska skúla í Klaksvík kann uppstigast, so øll útbúgvingin kann takast í Føroyum, verður hetta viðgjørt við vælvild, sigur Jenis av Rana.

Møguliga kann játtanin hækka, sigur hann.

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652