Minni útflutningur - óbroyttur innflutningur

16.02.2021 - 15:12
AktueltVinna
Minni útflutningur - óbroyttur innflutningur
Útflutningurin av laksi minkaði meira enn 700 milliónir krónur. Innflutningurin er vaksin seinastu árini, men vøksturin er steðgaður
Fiskaútflutningurin minkaði 1,2 milliardir krónur í fjør, men innflutningurin var óbroyttur, góðar átta milliardir krónur
Mynd: Hagstovan  
 

Útflutningurin av fiskavørum minkaði 1,2 milliardir krónur í 2020 samanborið við 2019. Afturgongdin í virði var 12 prosent, í nøgd var hon eitt prosent.

Útflutningurin at laksi minkaði meira enn 700 milliónir krónur, útflutningurin av toski minkaði góðar 300 milliónir krónur, og útflutningurin av sild minkaði 120 milliónir krónur, vísir uppgerð hjá Hagstovuni.

Vit útfluttu makrel fyri næstan eina milliard krónur. Tilsamans útfluttu vit fyri 8,4 milliardir í fjør.

Innflutningurin óbroyttur

Innflutningurin í fjør var á leið tann sami sum í 2019, og fimm prosent størri enn í 2018. Vit innfluttu fyri 8,1 milliard í fjør.

Síðani 2014 er innflutningurin vaksin millum tvey og 10 prosent um árið, men nú er vøksturin steðgaður. Innflutningurin til húsarhaldsnýtslu er vaksin 11 prosent. 

Meira er eisini innflutt av rávøru til fiskavirking, vørum til byggivinnuna og aðra framleiðslu.

Innflutningurin av brennievni vaks 10 prosent í fjør, samanborið við árið fyri. Men av tí at prísurin á brennievni er nógv lækkaður, kostaði brennievni 900 milliónir í fjør samanborið 1250 milliónir í fyrraárið. Tað eru 25 prosent minni.

Er kopiera
Nýggjastu sendingar í ÚV
Leygardag 17. apríl
Frá fyrsta Smirli til í dag - 11. sending
122923
Leygardag 17. apríl
TEMAPLÁTAN: New Jersey, Bon Jovi, 1988
122961
Leygardag 17. apríl
Hetta heilaga Evangeliið skrivar
122959
Leygardag 17. apríl
Brunsj við Niels Petur Nolsøe (NePtuN)
122958
Leygardag 17. apríl
Akkerini vóru bjargingin
122792
Nýggjastu sendingar í SV
Leygardag 17. apríl
Hondbóltur: VÍF - H71
122963
Hósdag 15. apríl
Tóki
122879
Mikudag 14. apríl
Hondbóltur: H71 - VÍF
122834
Mikudag 14. apríl
Hondbóltur: Neistin - STIF, 1. FM-finalan
122833
Týsdag 13. apríl
Katrin Danielsen, Ílegusavnið
118857