USA letur landamørkini upp...og aftur

19.01.2021 - 07:33
AktueltÚtheimurin
USA letur landamørkini upp...og aftur
Amerikanski forsetin, Donald Trump, letur upp fyri ferðandi úr Schengen. Komandi forsetin, Joe Biden, ógildar skjótt kunngerðina
 

Amerikansku landamørkini skulu lata upp aftur fyri ferðandi úr Schengen londunum í Evropa um eina viku, tann 26. januar. Tað hevur amerikanski forsetin, Donald Trump gjørt av.

Men hetta verður helst av ongum. Tí longu í morgin verður kunngerðin ógildað. Tað hevur hevur Joe Biden boðað frá. Hann verður tikin í eið sum amerikanskur forseti í morgin.

So at siga innferðarforboð hevur verið til USA í seinastuni orsakað av koronustøðuni. Men hetta ætlaði Donald Trump nú at broyta, áðrenn hann fer frá sum forseti.

Skuldu lata upp fyri 26 londum

Ætlanin var at lata upp fyri ferðandi úr teimum 26 londunum í Evropa og fyri ferðandi út Brasilia, Stórabretlandi og Írlandi. Í nátt komu kortini boð frá einum talsmanni hjá Joe Biden um, at mørkini ikki verða latin upp enn á sinni.

Joe Biden verður tikin í eið sum amerikanskur forseti í morgin klokkan 17 Bæði útvarpið og sjónvarpið hjá Kringvarpinum senda frá hátíðarhaldinum.

Í útvarpinum fer breddin frá klokkan 17 at viðgera innsetanina og amerikanskan politikk, og í Sjónvarpinum verður Dagur og Vika á skránni klokkan 16:30, her gestir fara at umrøða støðuna í USA og sent verður beinleiðis frá hátíðarhaldinum.  

 
Nýggjastu sendingar í ÚV
Hósdag 25. februar
Góðan morgun Føroyar
120805
Hósdag 25. februar
Morgunlestur hósdagur 25. februar 2021
120515
Mikudag 24. februar
Breddin
120788
Mikudag 24. februar
Nón 24. februar 2021
120782
Mikudag 24. februar
Góðan morgun Føroyar 24.02.2021
120748
Nýggjastu sendingar í SV
Hósdag 25. februar
Pólsk sending: Saman í frástøðu
120802
Mikudag 24. februar
Fiskivinnukjak í Klaksvík
120790
Týsdag 23. februar
Maria Skaalum Petersen, Fróðskaparsetrið
118844
Mánadag 22. februar
3-2
120666
Sunnudag 21. februar
TeenStreet lovsangur (4:5)
120617