- Tíðindi, mentan og ítróttur
Biden stórar ætlanir
Biden stórar ætlanir
Beint eftir at Joe Biden mikudagin er tikin í eið sum nýggjur forseti í USA, fer hann at seta umfatandi tiltøk í verk
17.01.2021 - 15:22
Nýggi forsetin fer m.a. at seta innferðarforboðið, sum serliga hevur verið galdandi fyri muslimsk lond, úr gildi, og USA skal aftur gerast partur av veðurlagsavtaluni, sum varð samtykt í París.
Donald Trump tók USA úr París-avtaluni. Joe Biden fer at biðja Kongressina um ein risastóran hjálparpakka til at stimbra amerikanska búskapin í kjalarvørrinum av koronukreppuni.
Ætlanin er eisini at koppseta 100 milliónir amerikanarar fyri koronu teir fyrstu 100 dagarnar, Biden er í Hvítu húsunum.
Fyrsta arbeiðsdagin sum forseti, fer Joe Biden at seta eina nýggja lóg í gildi, sum ruddar slóð fyri, at 11 milliónir fólk, sum í løtuni eru ólógliga í USA, fáa amerikanskan ríkisborgararætt.
Nýggjastu sendingar í ÚV
Nýggjastu sendingar í SV