Navalny fer aftur til Russlands

13.01.2021 - 14:17
AktueltÚtheimurin
Navalny fer aftur til Russlands
Russiski andstøðingurin hevur verið í Týsklandi, síðani hann varð eitraður. Heima í Russlandi bíðar eitt rættarmál
Aleksej Navalny fer nú heimaftur til Russlands
 

Russiski andstøðuleiðarin, Alexej Navalny, boðar nú frá, at hann fer aftur til Russlands 17. januar, sum er sunnudagin. 

Hann hevur verið í Týsklandi, síðani hann varð eitraður í august.

Navalny lá fleiri vikur í óviti, og í Týsklandi hevur hann fingið viðgerð og endurvenjing. 

Týskland og fleiri onnur lond í Vesturheiminum halda, at eitringin var ein drápsroynd við Novichok-nervaeitri.

Russland er mítt land

Á Instragram-vanga sínum skrivar Navalny, at nú er stundin komin at fara aftur til heimlandið.

- Russland er mítt land, Moskva er mín býur, og mær leingist eftir báðum. Sunnudagin 17. januar komi eg heim, skrivar Navalny m.a. á vanganum. 

Í Russlandi bíðar eitt revsimál honum. Myndugleikarnir ákæra hann fyri at hava nýtt pening, sum er latin sum stuðul til felagsskapir, ið hann hevur tilknýti til, til privat endamál.

Navalny verður lagdur undir at hava svikað fyri góðar 29 milliónir krónur.

 
Nýggjastu sendingar í ÚV
Sunnudag 24. januar
Meg minnist: Pætur Rasmussen (3:4)
118903
Leygardag 23. januar
TEMAPLÁTAN: Van Halen, Van Halen, 1978
119342
Leygardag 23. januar
Ein váðafull bumbuferð
118473
Leygardag 23. januar
Jambalaja 230121
119338
Nýggjastu sendingar í SV
Sunnudag 24. januar
Guðstænasta
119351
Fríggjadag 22. januar
Lyst 34
119191
Hósdag 21. januar
Millum heimsins bestu bodybuildarar
119256
Mikudag 20. januar
Jørðin II 1 - Oyggjar
119181