- Tíðindi, mentan og ítróttur
Danmark: Stríðið ímóti koronu verður drúgt
Danmark: Stríðið ímóti koronu verður drúgt
Danir skulu brynja seg við toli í drúgva stríðnum at basa koronasmittuni, sigur forsætisráðharrin
11.01.2021 - 06:27
Tað sigur forsætisráðharrin, sum í samrøðu við TV2 í gjárkvøldið gjørdi greitt, at koronuátøkini, sum nú eru í gildi, neyvan fara úr gildi 17. januar sum ætlað.
– Tað er neyvan sannlíkt, at vit seta úr gildi aftur herdu átøkini so skjótt, sigur Mette Frederiksen, forsætisráðharri, í samrøðuni við TV2.
5. januar herdi stjórnin í Danmark tiltøkini. Eitt nú mugu í mesta lagi fimm fólk savnast, og fólk skulu halda tveir metrar frástøðu.
Hetta var gjørt í eini roynd at basa herviliga, bretska variantinum av koronu, ið smittar sera illa. Í samrøðuni visti Mette Frederiksen ikki at svara, hvussu leingi herdu tiltøkini so verða í gildi.
Nýggjastu sendingar í ÚV
Nýggjastu sendingar í SV