Krevja nýggja ferju til Nólsoyarleiðina

17.12.2020 - 11:19
AktueltPolitikkur
Krevja nýggja ferju til Nólsoyarleiðina
Nólsoyingar savna undirskriftir, sum verða handaðar landsstýrismanninum í samferðslumálum í morgin
Ternan er til 40 ára klassing á Klaksvíkar sleipistøð, og fer ikki í sigling aftur í ár. Nólsoyingar krevja, at nýggja ferjan verður líka stór sum Ternan
Mynd: Bjarni Árting Rubeksen  
 

Nólsoyingar hava tikið stig til at savna undirskriftir, har kravt verður, "at tað beinanvegin verður farið undir at byggja nýggja og hóskandi ferju til farleiðina um Nólsoyarfjørð - samstundis sum farleiðin skal tryggjast her og nú," stendur í skrivinum, sum fylgir við undirskriftunum.

Tey skriva eisini:

"Síðstu vikurnar hava fólk í Nólsoy liva í einari ótolandi óvissu. Vit vita ikki, nær vit sleppa til arbeiðis um morgunin, og vit vita ikki, nær vit sleppa til hús aftur til børn okkara.

Samferðslan millum Havnina og Nólsoy er okkara lívsæðr, og vit hava grundlagt okkara privata lív og okkara arbeiðslív á hesa samferðslu. Og nú krevja vit, at okkurt munagott verður gjørt beinanvegin.

Nýggja ferju

Vit mugu fáa nýggja ferju til Nólsoyarleiðina - annars er bygdini ikki lív lagað. Vit hava brúk fyri einari góðari og tryggari ferju - á stødd við Ternuna - og sum kann taka eins nógv fólk og eins nógvar bilar sum Ternan. Ferjan skal sjálvsagt lúka øll nútímans krøv eisini til fólk við rørslutarni.

Landsstýrið kann ikki bíða til 2025 at seta pengar av til nýbygging av ferjum. Nøktandi samband skal tryggjast," stendur í skrivinum.

Undirskriftirnar verða handaðar Jørgeni Niclasen, landsstýrismanni í samferðslumálum í morgin.
 

 
Nýggjastu sendingar í ÚV
Mánadag 1. mars
Morgunlestur mánadagur 1. mars 2021
120730
Sunnudag 28. februar
Nólsoyar Páll á Biskupsstøð (4:4)
120144
Sunnudag 28. februar
Guðstænasta úr Christianskirkjuni.
120903
Leygardag 27. februar
Frá fyrsta Smirli til í dag - 5. sending
120880
Nýggjastu sendingar í SV
Sunnudag 28. februar
TeenStreet lovsangur 5:5
120907
Sunnudag 28. februar
Andaktin
120906
Sunnudag 28. februar
Guðstænasta úr Christianskirkjuni.
120902
Leygardag 27. februar
Flogbóltur: ÍF - Mjølnir
120899
Leygardag 27. februar
Flogbóltur: Dráttur - SÍ
120898