Brexit: Framvegis langt millum partarnar

11.12.2020 - 09:29
AktueltÚtheimurin
Brexit: Framvegis langt millum partarnar
ES sigur, at vil Bretland ikki fylgja ES-rættarskipanum, verður revsitollur lagdur á bretskar vørur
Boris Johnson, forsætisráðharri, biður nú fólk og fyritøkur í Bretlandi fyrireika seg til, at eingin handilsavtala verður við ES
 

Bretski forsætisráðharrin, Boris Johnson, sigur nú, at fólk og fyritøkur í Bretlandi skulu fyrireika seg til, at eingin handilsavtala verður millum Bretland og ES á nýggjárinum, tá brexit-skiftistíðarskeiðið endar.

Hann sigur, at samráðingarnar halda fram, men tað er framvegis langt millum partarnar.

Tað segði Boris Johnson í gjárkvøldið, og tað vóru hansara fyrstu almennu viðmerkingar eftir toppfundin í Brússel mikukvøldið.

Revsitollur

Boris Johnson segði, at ES hevur sett fram uppskot, sum merkir, at Bretland skal fylgja ES-rættarskipanum, og verður tað ikki gjørt, verður revsitollur lagdur á innflutningsvørur. Tað er serliga hesin spurningurin, sum hevur gjørt samráðingarnar sera torførar.

Hann samanbar hetta við, at Bretland verður sum ein tvíburi hjá ES, hóast landið fer úr evropeiska samveldinum.

Eygleiðarar hjá BBC eru vísir í, at orðini hjá Johnson vísa, at samráðingarnar ganga illa, hóast loysnir hava verið í eygsjón, og ein avtala er betri fyri báðar partar.

Boris Johnson og Ursula von der Leyen, forkvinna í ES-nevndini, avtalaðu mikukvøldið, at partarnir halda fram at samráðast til í seinasta lagi sunnudagin.
 

Er kopiera
Nýggjastu sendingar í ÚV
Leygardag 10. apríl
Jambalaja 100421
122651
Leygardag 10. apríl
Morgunlesturin leygarmorgunin 10. apríl 2021
122311
Fríggjadag 9. apríl
Morgunlesturin fríggjamorgunin 9. apríl 2021
122310
Hósdag 8. apríl
RagnarRokk 8.apríl 2021
122286
Hósdag 8. apríl
RagnarRokk:Blaze Bayley um War Within Me
122285
Nýggjastu sendingar í SV
Mikudag 7. apríl
í Luftini við KATA
122549
Mikudag 7. apríl
í Luftini við Son of Fortune
122548