- Tíðindi, mentan og ítróttur
Nú verður farið undir langhylin í Havn
Nú verður farið undir langhylin í Havn
Sáttmálaprísurin er 147,5 milliónir kr., og langhylurin skal verða liðugur í 2023
Mynd: torshavn.fo
30.11.2020 - 14:11
Í dag varð skrivað undir sáttmálan millum Tórshavnar kommunu og byggifelagið J&K Petersen um høvuðsarbeiðstøku um nýggja langhylin.
Langhylurin fer at kosta 147,5 milliónir krónur.
Væntandi verður farið at rigga byggiplássið til, stika øki av og at grava út fyri nýggja langhylinum fyri jól. Hann skal eftir ætlan verða liðugur í 2023.
SNA arkitektar hava projekterað langhylin.
Annika Olsen, borgarstjóri, segði á samkomu, tá skrivað varð undir sáttmálan, at við langhylinum tekur svimjing í Føroyum eitt stórt stig út í heim, eins og vit kunnu hýsa størri kappingum í høvuðsstaðnum.
Haraftrat fáa havnarborgarar atgongd til eitt vælveruøki við heitum hyli innandura og til uttandurahyljar, segði Annika Olsen.
Nýggjastu sendingar í ÚV
Nýggjastu sendingar í SV